Россиялъул президент Владимир Путиница ХIинкъи ГьечIолъиялъул Шураялъул данделъиялда лъазабуна, тIадтараз интернеталде ине гIадамазе квалквал гьабизе гьечIин ва интернет тIубараб контролалде гъорлъе босизеги гьечIин.
Аммаила, тIаде жубана гьес, экстремизмалъул пикраби ва лъималазул порнография тIибитIизабулел сайтал къазе ругин.
Россиялъул президентас гьединго абуна, информалатал цIуниялъе гIоло хIажатал тадбирал гьаризе кколин.
Дагьалъ цебе прессалда загьирабураб баяналда абулеб букIана рес бугин гIорхъолъа борчIараб ахIвал-хIалалда россиялъул провайдеразул хIалтIи чIезабизе бугин, масала рагъулал ишал ккани, ялъуни протестазул багъа-бачари багъарани.
Хадуб Россиялъул бухьеназул министр Николай Никифоровас гьеб хабар нахъ чIвана.