Евроцолъиялда, Россиялда ва Украиналда гьоркьор Берлиналда тIоритIарал кIалъа-басаязда заманалъулаб хIукму гьабуна гIагарисел моцIазда Украиналъе газалъул 5 миллиарда кубометр бичизе азарго кубометралъухъ 385 долларалъул багьагун, Киевалъ гьелда цебе 2 млрд долларалъул налъи кьун хадуб.
Гьедин лъазабуна энергетикаялъул рахъалдаса еврокомиссар Гюнтер Эттингерица. Гьесул рагIабазда гьединаб къотIи-къай рахъаз тасдикъ гьабизе ккола итни ва талат къоязда. Гьеб къотIи-къаялъ рес кьезе кколин Украиналъе проблемаби гьечIого хасел бахъизеян.