Украиналде данде Россиялъул агрессия чIезабиялъул ахIиял гьарулеб «Ракълилаб маршалда» Москваялда гIахьаллъаразул къадар мухIканго лъалеб гьечIо.
Оппозициялъул лидер Борис Немцовас лъазабулеб буго маршалде 100 азаргогIанав чи вачIанин, Жанисел ишазул министрелъиялъул «статистикаялда» рекъон, маршалъул гIахьалчагIазул къадар анцIзарго чиясде гурони бахун гьечIо.
Гьелдаго релъарал митингал тIоритIун руго Петрозаводск, Саратов, Екатеринбург, Сыктывкар ва цоги шагьаразда.
Ракълилал маршал тIоритIуна къватIисел улкабаздаги - Киевалда, Прагаялда, Берлиналда, Венаялда, Бургасалда, Парижалда ва Вашинтоналда.