Цолъарал миллатазул гIуцIиялъул Сириялда инсанасул ихтиярал хвезариялда сверун комиссиялъ лъазабуна, президент Башар Асадил хIукуматалъ «Исламияб пачалихъ» гIуцIиялъ гьарулелдасан вахIшиялги кIудиялги такъсирал гьарулел ругин улкаялдайин.
Гьелъул хIакъалъулъ лъазабуна комиссиялъул бетIер Сержиу Пинейруца Женеваялда талат къоялда тIобитIараб Цолъарал миллатазул гIуцIиялъул инсанасул ихтиярал цIунулеб мажлисалъул сессиялда.
Гьесул рагIабазда, улкаялъул конфликталъул къурбаназул аслияб къадаралъул жаваблъи буго Сириялъул режималда тIад.
Цолъарал миллатазул гIуцIиялъул комиссиялъул бетIерас лъазабуна гьединго, исламистазде данде цадахъаб рагъулаб операция тIобитIулеб мехалда пачалихъаз адаб гьабизе кколин рагъул къануназулин. Гьез тIалаб гьабулеб бугин гражданияб халкъ цIуни ва рекъараб къуват хIалтIизаби.
ООНалъул хIисабалда 2011 соналъул марталда байбихьараб конфликталъул хIасилалда Сириялда хвана 190 азаргоялдаса цIикIкIун чи.