Исламабадалда хIукуматалде данде гIуцIараб манифестация сверана телецентралъе гьужум гьабиялде. Миллияб телеканал PTV-ялъ ва гьелъул ингилис мацIалда бугеб версия-PTV-World-алъ чIезе тун буго эфир.
«Гьез минаялъе гьужум гьабулеб буго, жидеда тIадаб борч тIубалел нижер хIалтIухъаби гьез рухулел руго»,- гьедин лъазабун букIана пакистаналъул телевидениялъул дикторас эфир чIезе чанго лахIзаталъ цебе.
Пакистаналъул цоги телеканал Express-алъ бихьизабуна жаниса телецентр. Минифестантазул цоцоязда рукIана газалдаса цIунизелъун холел маскаби, амма Reuters ва AFP агентлъияз лъазабулеб буго гьеб видеоялда зулму гьабулеб бихьизабулеб букIинчIин.
Пакистаналда хIукуматалде данде демонстрация халат бахъунеб буго чанго анкьалъ. Гьез тIалаб гьабулеб буго хIукумат хIалхьиялде ин.
30 августалда премьер-министрасул резиденциялъе гьужум гьабулаго чIван вукIана лъабго ва лъукъун вукIана нус-нус чи.