Багъдадалда шиитазул мухъалда автомобиль кьвагьизабиялъул хIасилалда хун вуго бищун дагь босун 11 чи. Лъукъун вуго 20 гIанав чи.
Полициялъул лъазабиялда рекъон, кьвагьи ккун буго гIемер гIадамал рукIунеб нухал жубалел бакIалда. 25 августалда Багъдадалги, Кербелаялдаги, Хилла шагьараздаги гьарурал кьвагьиязул хIасилалда хун вуго бищун дагь босун 54 чи.
ГIиракъалда зулмуялъул цIияб гучлъи баккун буго премьер-министрасул хъулухъалде шииитазул гIодове виччарав курдаздаги суннитаздаги гьоркьоб жиндир авторитет бугев политик ХIадар аль Абади лъазавун хадуб.