ВукIарав диктатор Саддам ХIусенил гIагараб шагьар Тикриталда ГIиракъалъул армиялъ байбихьана рагъулаб операция "Исламияб пачалихъ" абураб радикалиял исламистазул къокъабазде данде. Багъдадалдаса 140 километралъ добегIан бугеб Тикрит исламистаз бахъун букIана июналда.
18 августалда Цолъарал штатазул президент Барак Обамаца лъикIаб къимат кьуна ГIиракъалъул армиялъ курдазул къуватазда цадахъ Мосулалъул лъел сангар пачалихъалъул къуватазул контролалде гъоркье буссинабиялъе.
ГIиракъалъул кIудияб территория бахъараб "Исламияб пачалихъалул" къуватазде кьабиял щвезарулел руго Цолъарал штатазул аваициялъги.
Цолъарал миллатазул гIуцIиялъул Лъутизе ккаразул ишазул идараялъ лъазабуна, жидеца шималияб ГIиракъалда байбихьулеб бугин рагъалъе гIоло балагьалде ккарал гIадамазе кумек гьабиялъул кIудияб операцийин.