Мисралъул тахшагьар Каиралъул сверухълъиялда рузман къоялъ полициялъулазда ва демонстрантазда гьоркьоб багъарараб тунка-гIуссиялъул хIасилалда лъабго демонстрант чIван вуго.
Лъукъун вуго цо полициялъулав. Полициялъул баяналда рекъон Гиза абулеб бакIалда демонстрантаз аслияб нух къан букIана ва байбихьана полициялъулазде кьагьдезе.
Мисралда гьале кIиабилеб къоялъ халат бахъунеб буго лагIел цебе чIварал «Вацал-бусурбаби» багъа-бачариялъул гIахьалчагIи ракIалде щвезарулеб тадбир.