Рузман къоялъ Пакистаналъул оппозиционияв цевехъан Имран Ханил автомобилалде гьужум гьабун букIана щалали лъаларез автомобил Исламабадалде унеб мехалда.
Гьадин лъазабуна Reuters агентлъиялъе Имран Ханил пресс-хъулухъалъ. Политикасул автомобилалде кьвагьдан рукIана хадур гIадамаз ганчIалги речIчIана.
Амма France-Presse агентлъиялъ Пакистаналъул полициялъул баяналда мугъ чIвай гьабун лъазабуна, кьвагьдей букIинчIин. Имран Ханил рахъ ккураз тIалаб гьабулеб буго Пакистаналъул премьер-министр Наваз Шариф хъулухъалдаса нахъе ин.
Исламабадалда щулалъизарун руго хIинкъи гьечIолъиялъул шартIал. Дове жеги аза-азар рагъулав хъулухъчи витIун вуго.