Украиналъулгун гIорхъоде унеб Россиялъул гуманитарияб колонна «Дон» (Москва - Ростов-на-Дону - Новороссийск) абулеб федералияб трассаялдаса рещтIун Россиялъул Ростов икълималъул Донецк шагьаралде унеб буго. Гьедин лъазабулеб буго Би-би-сиялъ.
АрбагI къоялъул къаси автоколонна щун гьечIо Харьков икълималда бугеб хал гьабулеб бакIалде. Гьениб Украиналъул гIурхъаби цIунулез хал гьабизе кколеб букIана къайиялъул цIураб 270 КаМАЗалъул. АрбагI къоялъул сордо гьез бан буго Воронежалда.
Москваялъ лъазабулеб буго жидеца жидерго ишал БагIараб Хъанчгун дандралел ругин, амма гьеб рахIмуялъул идараялъул вакил Анастасия Исюкица Associated Pressалъе кьураб интервьюялда абуна Россиялда ва Украиналда гьоркьор кIалъа-ралъаял халат рахъунел ругин ва гьаб заманаялда гьеб конвой киб бугебали жинда абизе кIоларин.
Киевалъул буго гьеб конвой Россиялъул аскарал Украиналде кIанцIизе гIиллалъун хIалтIизабизе рес букIиналдаса хIинкъи.