Пакистаналъул тахшагьар Исламабадалда хамиз къоялда аза-азар чи вахъун вукIана хIукуматалде данде бугеб демонстрациялде. Гьез тIалаб гьабулеб букIана Наваз Шарифица нухмалъи гьабулеб хIукумат хIалхьиялде битIизе. Гьезул пикруялда 2013 рукIарал ва премьер-министр Наваз Шариф нухмалъиялде вачарал рищиял рекIкIал рукIана. Демонстрантазул пикруялда, Шарифги рехизе ккола цIиял рищиялги тIоритIизе ккола. Демонстрантаз Исламадалдаса нух босун буго 350 километралъул рикIкIалъула бугеб Лахор шагьаралде.
