Жакъа Дагъистаналда федералияб программаялда рекъон рукъзал щвезе иргаялда хъван руго 6000ялдаса цIикIкIун гIолохъанал хъизамал.Гьезул бащалъи кколеб буго гIицIго МахIачхъала шагьаралда. Амма МахIачхъалаялда программа тIобитIулеб гьечIо, шагьаралъул генералияб план гьечIолъиялда бан.Гьаб соналда жаниб программаялъулъ гIахьаллъулъеб буго гIицIго Хасавюрт, Кизляр ва Кизилюрт шагьарал. Программмаялда гIахьаллъизе рес буго киналго мухъазул ва шагьаразул , амма ракь гьечIолъиялдаги гIарац гьечIолъиялдаги бан бугила гьеб. Гьедин бицунеб буго рехсарал программабазул дирекциялъул нухмалъулев ХIажиев МахIачица.
ГIолилазе рукъзал кьеялъул программабазул дирекция жиндир заманаялъ ГIолилазул ишазул коммитеталда гъорлъе унаан. Цеве дирекциялъул вукIарав нухмалъулев Исламудин Агъаев гьеб бакIалда нахъе вахъун вукIана I99 млн. гъурущ бикъи тIад къотIун. Гьелъ программа гIумруялде бахъинаби гIемер мехалъ чIун хутIун буго.Жакъа къоялъги гьесда тIад гьабун гьечIо суд.
ЦIех-рехчагIазул баяназда рекъон, Исламудин Агъаевас жиндирго бухгалтер Наталья Смирновалъул кумекалда гьересиял кагътазул кьучIалда гIарац щвезе тIалаб гьабун буго. Гьел ишазулъ гIицIго дирекция гуреб хутIарал гIахьалал рукIинги щаклъи гьечIеблъун бихьилулеб бугилан бицана цIар абизе бокьичIев цIех-рехалъул идараялъул хIалтIухъанас. Гьесулго баяназда рекъон гьединал гьересиял кагътазул аслуялда гIарац щвезе кканани гьез ришват кьун батизе буго казначействоялъу
Жакъа рехсарал программабазул дирекция гъорлъе унеб буго БакIал раялъул министерлъиялда гъорлъе. Дирекциялъул хIалтIухъабазул баянал щвечIо, амма офицалиял баяназда рекъон, жакъа къоялде программаялда рекъон рукъ щун буго гIицIго 644 хъизамалъе. Программа гIумруялде бахъинабизе биччаран буго кинабниги 2 млрд 348 миллион гъурщидаса цIикIкIун гIарац. Программаялъул болжалги руго 2015-абилеб соналде щвезегIан. МахIачхъала шагьаралда программаялда рекъон рукъзал щвезе хъван руго 2500-ялдаса цIикIкIун гIолохъанал хъизамал. Амма МахIачхъалаялда гьеб программаялъулъ гIахьаллъулебцин гьечIо гьаб соналъ. МахIачхъалаялъул мэрасул тIалабал тIуралев МухIамад Сулеймановасул баяназда рекъон гьеб бараб буго шагьаралъул рукъзал разе ракь гьечIолъиялда. Гьесул рагIабазда рекъон шагьаралда бетIергьан гьечIеб ракьул кесекцин хутIун гьечIо, гIицIго аслияб шагьаралъул майданалъулцин вугила хважаин. Щвелищ гIолилазе рукъзал, лъугIилищ гьеб гIумруялде бахъинабиялда сверухъ ругел салал ва тIасанкIалъаял, жакъа къоялде жеги 1000 рукъзалцин кьун гьечIеб мехалъ гIолохъанал хъизамазейилан абулеб буго аналитиказ.
Рукъ щвезе иргаялда хъван рукIарал гIолилал гьелда божии тIагIун руго гIемерисел. Гьедин МахIачхъалаялдас
Кин ва кибе харж гьабулеб бугеб гьеб гIарац абураб суалалъе жавабал щоларин, программа гIумриялде бахъинабиялъул къисматги гьанже лъагIан рукIал федералиял программабазул гIадабго ккезе рес бугилан бицана «Эркенлъи» радиоялъе «Черновик» газеталъул бетIерав редактор Маирбек Агъаевас. Гьединго гьес бицана редакциялде , гьеб суалалда тIасан гIемерал гIадамал рачIунилан гIарзалгун ва гIемерал кахталги рачIунин.
Маирбек Агъаев: «Гьелдаса цереги рукIана Дагъистаналда батIи-батIиял федералиял программаби. Амма нилъер тIалъиялда ругел гIадамаз биччараб гIарацги бикъун, яги батIиял хIужабазда хвезабун гьел программаби чIун хутIула. Гьединаб къисмат ккана Капиталиял ремонтазул программаялъул. Гьединго цин чIунги хутIун, программаялъул болжал лъугIизегIан цIигьаризе кIварал рукъзал цIакъ дагь ккана. Гьелъ кколеб буго, жидеца жанибе гIарац кьун, иргаялда ругел гIадамал рукъзал щвечIого хутIизеги рес бугилан.»
рукъзал ралел гIуцIиялги жакъа Дагъистаналда хIалтIулел ругин цо анцIго соналъ цебе Москваялда рукIарал пирамидабазул мисалалда; гьоркьоб гIарацги ун, рукъзалги щвечIого хутIарал гIадамалги, гIадамазул гIарацги босун цо рахъалъ тIагIарал рукъзал разе тIаде босарал чагIиги раккизе ругин риккунеб буго экспертаз.