Каиралде щун буго Израилдаса делегация. Гьезул мурад-Мисралъул гьоркьохъанлъиялдалъун ХIАМАС багъа-башариялъул вакилзабигун ракълилал кIалъа-ралъаял гьари.
Гьелдаса цебе кIияго рахъ бачIун букIана 72-сагIаталъулаб рекъел чIезабиялъул хIукмуялде, гьелъул заманаялда ракълилал кIалъа-ралъаял халат рахъинаризе хIаракат бахъизелъун.
Араб анкьалда, гьединго Мисралъ гьоркьохъанлъиги гьабун, рахъал рачIун рукIана заманалъулаб рекъел гьабиялде, амма лъабго къоялдасан ракълилаб къотIи хвезабун гьеб регионалда кьвагьи байбихьун букIана.
Магърибалъул агентлъиялъ лъазабулеб буго итни къоялда Газаялда тIад роржунел рукIинчIин Израилалъул аэропланал ва гьеб мухъалда кинаб букIаниги кьвагьиги рагIулеб букIинчIин.
Мисралъул къватIисел ишазул министрас загьир гьабуна Газаялда рекъел лъазабун бугеб гIанасеб азаманаялъ гьенибе гуманитарияб кумек щвезабизе рес щвезе букIиналда хьун.
Израилалъул премьер-министр Биньямин Нетаньяхуца лъазабуна гьесул хIукуматалъ палестиниялгун рекъел гьабизе гьечIин ХIАМАСалъ израилалъул территориялде кьвагьулеб бугеб гIанасеб заманаялдайин.