Лъугьа-бахъин ккун буго 3 августалъ, Избербаш шагьаралъул ралъдал рагIалда. Лъабго гIолилал ралъдалъ цIакъго рикIкIаде квачIбан ун гIанкъулел рукIун руго.
Гьеб параялъ ракъдада рукIарал гIадамад хвасар гьарулезда рихьун руго гьел. Гьеб къоялъ цIакъ карачалаби рукIун руго ралъдада . Заманаялда тIаде щун хвасар гьаризе кIун руго гьел.
Хвасар гьарурал ратун руго Каякент мухъалдаса гIадамал. Гьедин лъазабулеб муго ГIорхъолъа рорчIарал ахIвал-хIалазул министерлъиялъул пресс-хъулухъалъ.
ГIадамал хвасар гьарулеб идараялъ иргадулаб нухалъ лъазабулеб буго цIодорго рукIайилан лъеда аскIор. Ва хас гьабун чвердезе рихьараб бакIалда гурони чвердогеян лъазабулеб буго.
ГIадамал хвасар гьарулеб гIуцIиялда хIалтIулев АхIмад МутагIиловас бицана гIумруялда чи лъелъ гъанкъулев мехалъ нилъеда ракIалде кколеб хIалалъ букIунарилан.
Гъанкъулев чи я кьаболаро лъелъ я ахIи бахъинабуларо. Гьединаб мехалъ инсанасе лъугьунеб жоялда цIар буго инстинктивияб гIанкулесул реакцияйилан. Гъанкъулев вугеб мехалъ чиясда кумекалъе ахIизе кIоларо, щай гурелъул хIохьел букIине ккола , хIохьел тIагIингун инсанасда гьаракь гьабизе кIоларилан бицана гьес.
Гъанкъун хваразда гъорлъ тIоцебесеб бакI ккола гIисинал лъималаз. I5 соналде щвезегIан.гьадин бицана гьес «Эркенлъи» радиоялъе
АхIмад МутагIилов:«Профилактикиял хIалтIаби санайил гьарула, амма нилъер гIадамазда чвердезе гьукъун бугилан абураб жо бичIчIуларо. Гьел бокьараб бакIалда чвердола.
Чвердезе гьукъараб бакIазда гьезда хадур хал кквезе хвасар гьарулел чагIи рукIунаро, чанги гьединал бакIазда гъанкъарал чагIи кодоре щвечIогони хутIула.
Цониги лъимер ралъдахъе жибго бачIунаро хIухьбахъи гьабизе, гьезда цадахъ эбел-эмен яги щив вукIаниги кIудияв чи вукIуна. Амма лъимал гIанкъи буго аслияб хIужа нижер хIалтIулъ.
Цо заманаялъ гIадамазда гъорлъ тIибитIун букIана лъелъ гIуркъулез жидецаго цIалин гIадамал лъелъе абун, амма гьел харбал рукIин кинадаго бичIчIулеб батила, бихьизабураб гIурхъи тун квачI бан ин буго аслияб гIилла».
Ралъдал рагIалда хIухьбахъулей МахIачхъалаялдаса Исламова Наидаца бицана жинда кIоларин лъимал тIаса бер босун тезе. Щайгурелъул жиндир гьалмагъалъул II сон барав вас гIанкъанин исана ралъдалъ Дербенталда аскIоб бугеб хIухьбахъулеб базаялда .
Дунялалъул сахлъицIуниялъул гIуцIиялъул баяназда рекъон лъелъ гъанкъиялъ кколеб буго дунялалда гIадамал хвеялъе аслиял гIиллабазул 3абилеб бакI. Гьезулго Баяназда рекъон дунялалда тIад санайил 359000 чи гъанкъун холел руго лъелъ гъанкъун.
Алиса АЛДАШЕВА