Цолъарал Штатазул пачалихъияв секретарь Джон Керри хамиз къоялъ официалияб сапаргун вачIун вуго Афгъанистаналде.
Дагьалъ цере тIоритIарал президентасул рищияздаса нахъе гьениб хIалуцараб ахIвал-хIал хутIулеб буго.
Афгъанистаналъул вукIарав къватIисел ишазул министр ГIабдуллагь ГIабдуллагица абулеб буго 14 июнялда букIараб рищиязул кIиабилеб туралъул хIасил хIилла-макруялъулаб букIанин жиндирго дандияв Ашраф Гъание пайдаялъе гьабураб.
Афгъанистаналъул тIадтараз абулеб буго рищиязул мухIканаб хIасил август моцалъул ахиралде лхазабизе бугин. Джон Керрица квер-бакъи гьабулеб буго рищарухъабазул гьаркьазул цIияб рикIкIен гьабиялъе.