ГIизраилалъ ва ХАМАС гIуцIиялъ итни къоялъ къотIи гьабуна талат къоялдаса байбихьун маслигьаталъул шартIал хIалтIизаризе.
ГIизраилалъул армиялъул вакиласул баяналда рекъон Газа секторолдаса рагъулаб техникаги аскариялги нахъе рачине ругин.
Лъабго анкьалъ цебе ХАМАС гIуцIиялъ маслигьат нахъ чIвана. ХАМАС гIуцIиялъ гьарулел ишазде разилъи гьечIеб Мисиралъул хIукуматалъ лъазабуна, гьаб маслигьаталъул шартIал хIалтIизаризе ругони, жиб нахъеги хIадураб бугин гьоркьохъанлъи гьабизе кIиябго дандияб рахъалъул кIалъа-басаязда.