Евроцолъи разилъун буго Украиналъул кризисалда хурхун Россиялде данде санкцияби дагьалъги гIатIилъизаризе. Гьанжесеб сияхIалде восун вуго микьго чи, гьездаго гъорлъ Россиялъул президент Владимир Путинил сверухълъиялде хурхен бугев ункъго чи. Гьезул цIарал загьир гьаризе рагIула 30 июлалда.
Евроцолъиялъул 28 улкаялъул вакильзабазул Брюсселалда тIобитIараб саммиталда гьоркьоб лъолеб букIана гьединго Россиялъул финансазул ва улкая цIуниялъул сферабазда хурхун санкцияби лъазариялъул суалалги.