Украиналда тIад катастрофа ккараб Малайзиялъул лайнералда тIад рукIаразул тIоцересел жаназаби ритIун руго Харьковалдаса Нидерландазде.
Гьениб арбагI къо лъазабун буго миллияб чIегIербаялъул къолъун. Боингалда тIад вукIарав 298 чиясда гьоркьосан 193-яв вукIун вуго Нидерландаздаса.
Талат къоялда Украиналъул сепаратистазул контролалда бугеб регионалдаса Харьковалде бачIун буго 200 жаназагун тIад поезд. Нидерландазде жаназаби ритIилалде цебе гьениб тIобитIун букIана чIегIербаялъул церемония.
Асмтердамалдаса Куала –Лумпуралде боржунеб букIараб гьеб лайнер бортун букIана 17 июлалда. Магърибалъ рикIкIунеб буго гьеб лъачIого кьвагьизабун бугин Россиялъул рахъ ккурал сепаратистаз ракетаги бичIчIанин. Москваялъ трагедиялъул гIайиб гьабулеб буго Киевалда.
Сепаратистаз Малайзиялъул рахъалъухъе кьурал лайнералъул «чIегIерал къалазул» хал гьабизе буго Британиялда. Гьел гьанжеялде гьенире щвезарун руго.