МахIачхъалаялъул экс-мэр СагIид ГIамировасда терракт хIадуриялъул ва къануналде данде колареб къагIидаялда ярагъ цIуниялъул гIайиб букIин тасдикъ гьабуна арбагI къоялда Шималияб Кавказалъул округалъул рагъулаб диваналъ ва бихьизабуна туснахъалъул I0 сон.
ЦIех-рехалъул версиялда рекъон, ГIамировасул план букIун буго жиндирго политикияв конкурент Сагид МуртазагIалиев чIваяалъул. Гьесда ракIалда букIун буго гьев рекIараб аэроплан гьаваялда кьвагьизабизе ПЗРК, ай мобилияб ракеталъул комплекс хIалтIизабун, хадуб гьеб кинабго теракт хIисабалда бихьизеги гьабун.
Гьесде гьединго гIунтIизабулеб буго МахIачхъалаялда Россиялъул цIех-рехалъул комитеталъул хIалтIухъан Арсен ХIажибеков чIваялъул гIайибги. ГIамировас киналго гIайибал нахъ чIвалел руго.