Балканазда къогоялдасаги цIикIкIун чи хун вуго лъин кIанцIиялъул хIасилалда. Гьеб тIабигIияб балагь рикIкIунеб буго ахирисеб нусго соналда жаниб бищунго захIматаблъин. Аза-зар чияс тезе ккана жидерго рукъзал.
Чанго сордо-къоялъ балеб чваххун цIадалъе гIоло цIикIкIана гIоразул лъел даража. Лъедаса бищунго кIудияб зарал ккана Босниялъе. Гьенив хвана бищун дагь босун 16 чи. Квешаб хIал буго Сербиялдаги.
Босниялъул ХIинкъигьечIолъиялъул министерлъиялъул вакилас лъазабуна, лъин кIанцIараб зоналда вугин миллион гIанав чи, гьеб кколин халкъалъул ункъго бутIаялдаса цойин.
Нухмалъиялъ гьединго лъазабуна, лъин кIанцIиялъе ва ракь ччукIун иналъе гIоло кьвагьизе бегьулин 90 соназда Босниялда букIараб рагъалъул заманалдаго лъурал минабийин.
Метеорологаз лъазабулеб буго, Сербиялда Дунай ва Сава гIоразул лъел даража бищунго цIикIкIараб гIужалде бахине бегьулин.
ЧIваххунцIадазул асар загьирлъулеб буго гьединго Польшаялдаги, Словакиялдаги, Австриялдаги.
Чанго сордо-къоялъ балеб чваххун цIадалъе гIоло цIикIкIана гIоразул лъел даража. Лъедаса бищунго кIудияб зарал ккана Босниялъе. Гьенив хвана бищун дагь босун 16 чи. Квешаб хIал буго Сербиялдаги.
Босниялъул ХIинкъигьечIолъиялъул министерлъиялъул вакилас лъазабуна, лъин кIанцIараб зоналда вугин миллион гIанав чи, гьеб кколин халкъалъул ункъго бутIаялдаса цойин.
Нухмалъиялъ гьединго лъазабуна, лъин кIанцIиялъе ва ракь ччукIун иналъе гIоло кьвагьизе бегьулин 90 соназда Босниялда букIараб рагъалъул заманалдаго лъурал минабийин.
Метеорологаз лъазабулеб буго, Сербиялда Дунай ва Сава гIоразул лъел даража бищунго цIикIкIараб гIужалде бахине бегьулин.
ЧIваххунцIадазул асар загьирлъулеб буго гьединго Польшаялдаги, Словакиялдаги, Австриялдаги.