Украиналъул Донецкалъул мухъалда бугеб Славянск шагьаралде гъоркьехун рагъулал тунка-гIусиял ккедал руго чIварал Украиналъул аскариязда гьоркьор. Гьедин лъазабуна журналистазда жанисел ишазул министр Арсен Аваковас.
Гьесул рагIабазда рекъон, антитеррористияб операциялда гIахьаллъулел рукIарал низам цIунулезул къукъа сепаратистазул гъоркьлъалиде тIадеккун буго. Аваковас бицухъе, сепаратистаз кьвагьулеб буго бакIаб ярагъ, гьезухъ буго хIара кIудияб ярагъги, минометалги цоги техникаги. Министрас гьединго лъазабуна лъукъарал кIиябго рахъалда ругин.
Славянскалъул цIуна-къаялъул штабалъул вакилас лъазабулеб буго украиналъул аскараз шагьаралъул телехъала кверде босун бугин. Гьесго бицухъе, хал гьабулеб буго шагьаралъул батIи-батIиял мухъазда рукIарал рагъулал тунка-гIусиязда хваразул къадаралъул хIакъалъулъ баянал. ЦIуна-къаялъул къукъабазул 20 чи хун вукIине рес бугин гьенибин мухIкан гьабуна гьес.
Гьесул рагIабазда рекъон, антитеррористияб операциялда гIахьаллъулел рукIарал низам цIунулезул къукъа сепаратистазул гъоркьлъалиде тIадеккун буго. Аваковас бицухъе, сепаратистаз кьвагьулеб буго бакIаб ярагъ, гьезухъ буго хIара кIудияб ярагъги, минометалги цоги техникаги. Министрас гьединго лъазабуна лъукъарал кIиябго рахъалда ругин.
Славянскалъул цIуна-къаялъул штабалъул вакилас лъазабулеб буго украиналъул аскараз шагьаралъул телехъала кверде босун бугин. Гьесго бицухъе, хал гьабулеб буго шагьаралъул батIи-батIиял мухъазда рукIарал рагъулал тунка-гIусиязда хваразул къадаралъул хIакъалъулъ баянал. ЦIуна-къаялъул къукъабазул 20 чи хун вукIине рес бугин гьенибин мухIкан гьабуна гьес.