НАТОялъул генералияв секретарь Андерс Фог Расмуссеница талат къоялда лъазабуна, жиндихъ гьечIин Россиялъ Украиналъул машрикъалъул рахъалъул гIорхъабазда аскIосан рагъул къуватал нахъе рачин тасдикъ гьабулеб информацияйин.
Гьес гьединго лъазабуна, Россиялъ НАТОялдаги Москваялдаги гьоркьоб партнерлъи гIуцIулел принципал хвезарулел ругин, гьелъ рес кьолеб гьечIин кIигорахъалъулал гьоркьорлъаби халат рахъинаризеян.
Гьединаб лъазаби Расмуссеница гьабуна талат къоялда Брюсселалда байбихьараб НАТОялъул улкабазул къватIисел ишазул министразул кIигокъоялъулаб данделъиялда. Гьелъул гIахьалчагIаз гьоркьор лъолел руго Украиналда загьирлъулеб ахIвал-хIалалъул суалал.
Ахирисел моцIазда Россиялъ Украиналъул гIорхъабазда аскIоре рахъана аза-азар рагъулал. Гьелъ Магърибалъул хIинкъи баккизабуна, Крым бахъун хадуб, Москва Украиналъул машрикъалъул рахъалде жанире лъугьине бегьиялда хурхараб. Араб итни къоялда Россиялъул Улка цIуниялъул министерлъиялъ лъазабуна, гьенир рагъулал ругьунлъиял тIоритIулел рукIанин ва гьенисан къуватал нахъе рачунел ругин.
Гьес гьединго лъазабуна, Россиялъ НАТОялдаги Москваялдаги гьоркьоб партнерлъи гIуцIулел принципал хвезарулел ругин, гьелъ рес кьолеб гьечIин кIигорахъалъулал гьоркьорлъаби халат рахъинаризеян.
Гьединаб лъазаби Расмуссеница гьабуна талат къоялда Брюсселалда байбихьараб НАТОялъул улкабазул къватIисел ишазул министразул кIигокъоялъулаб данделъиялда. Гьелъул гIахьалчагIаз гьоркьор лъолел руго Украиналда загьирлъулеб ахIвал-хIалалъул суалал.
Ахирисел моцIазда Россиялъ Украиналъул гIорхъабазда аскIоре рахъана аза-азар рагъулал. Гьелъ Магърибалъул хIинкъи баккизабуна, Крым бахъун хадуб, Москва Украиналъул машрикъалъул рахъалде жанире лъугьине бегьиялда хурхараб. Араб итни къоялда Россиялъул Улка цIуниялъул министерлъиялъ лъазабуна, гьенир рагъулал ругьунлъиял тIоритIулел рукIанин ва гьенисан къуватал нахъе рачунел ругин.