Мисралъул Эль-Минья шагьаралъул диванаханаялъ чIвазе хIукму къотIана рехарав президент МухIамад Мурсил рахъ кколев 529 чиясе. Гьел лъазарун руго полициязде тIадекIанцIиял гьарураллъун ва хIинкъигьечIолъи цIуниялъул къуватазул цо чи чIвараллъун.
Гьеб хIукму къотIун буго итни къоялда гьелдаса цебе кIиго нухалда гIенеккиялги гьарун. ЧIвазе хIукму къотIаразул адвокатазул гIарз буго жидеда букIине кколедухъ жидерго хIалтIи гьабизе толеб букIинчIин абун.
Цо низам цIунулев чIваялъул, цоги кIигояв чIвазе къасд гьабиялъул ва полициязде тIадекIанцIи гьабиялъул иш унеб букIана кинабниги 545 чиясда тIад. Гьезул цIикIкIунисел полициялъ ккунцинги гьечIо, гьечIониги гьезда тIадги хIукму къотIун буго. 16 чи ритIухъ гьавун вуго.
МухIамад Мурси президентасул хъулухъалдаса рагъулаз рехун вукIана араб соналъул июлалда. Гьелдаса цебе улкаялда рукIана гIемерав чи гIахьаллъарав протесталъул акциял. Гьезул заманаялда хун вукIана нус-нус чи.
Гьеб хIукму къотIун буго итни къоялда гьелдаса цебе кIиго нухалда гIенеккиялги гьарун. ЧIвазе хIукму къотIаразул адвокатазул гIарз буго жидеда букIине кколедухъ жидерго хIалтIи гьабизе толеб букIинчIин абун.
Цо низам цIунулев чIваялъул, цоги кIигояв чIвазе къасд гьабиялъул ва полициязде тIадекIанцIи гьабиялъул иш унеб букIана кинабниги 545 чиясда тIад. Гьезул цIикIкIунисел полициялъ ккунцинги гьечIо, гьечIониги гьезда тIадги хIукму къотIун буго. 16 чи ритIухъ гьавун вуго.
МухIамад Мурси президентасул хъулухъалдаса рагъулаз рехун вукIана араб соналъул июлалда. Гьелдаса цебе улкаялда рукIана гIемерав чи гIахьаллъарав протесталъул акциял. Гьезул заманаялда хун вукIана нус-нус чи.