Бундестагалда цее яхъунаго, Германиялъул канцлер Ангела Меркелица лъазабуна, партнер хIисабалда Украиналда парахалъи чIезабиялъе квербакъи гьабиялъул бакIалда Россиялъ жиндие пайда босулеб бугин гьеб улкаялда загьирлъулеб захIаматаб ахIвал-хIалалдайин.
Меркелица абуна гьединго, Крымалда Москваялъ гьарулел ахирисел галаби Россиялъе руссине бегьулин захIматал политикиял ва экономикиял хIассилаздейин. Гьелъул рагIабазда, гьел хъвазе бегьула Евроцолъиялъулгун Россиялъул гьоркьорлъабаздаги.
Германиялъул канцлералъ лъазабуна, Евроцолъи хIадураб бугин Россиялде данде санкцияби хIалтIизаризе, Москваялъ Крымалда бугеб ахIвал-хIал рукIалиде бачиналда хурхарал кIалъа-басаяздаса инкар гьабулеб бугониян.
Меркелица абуна, Украиналъул территориалияб тIолголъи щаклъиялде гъоркье бачине бегьуларин, Россиялъ Крымалде рагъул къуватал щвезари халкъазда гьоркьосел къанунал хверизе кколеб букIиналде кIварги буссинабун.
Меркелица абуна гьединго, Крымалда Москваялъ гьарулел ахирисел галаби Россиялъе руссине бегьулин захIматал политикиял ва экономикиял хIассилаздейин. Гьелъул рагIабазда, гьел хъвазе бегьула Евроцолъиялъулгун Россиялъул гьоркьорлъабаздаги.
Германиялъул канцлералъ лъазабуна, Евроцолъи хIадураб бугин Россиялде данде санкцияби хIалтIизаризе, Москваялъ Крымалда бугеб ахIвал-хIал рукIалиде бачиналда хурхарал кIалъа-басаяздаса инкар гьабулеб бугониян.
Меркелица абуна, Украиналъул территориалияб тIолголъи щаклъиялде гъоркье бачине бегьуларин, Россиялъ Крымалде рагъул къуватал щвезари халкъазда гьоркьосел къанунал хверизе кколеб букIиналде кIварги буссинабун.