Исана 1 марталдаса нахъе Дагъистаналъул хасаб жиндирго нартгунгаз бахъулеб компания гIуцIизе байбихьизизе бугин лъазабуна Дагъистаналъул бетIер ГIабдулатIипов Рамазаница россиялъул журналистазулгун букIараб дандчIваялда. Гьединго Дагъистаналъул социалиябгун экономикияб цебетIеялъул, экстремизмалъул суалазул, гIадамазда гьоркьоб маслихIатгун рекъел гьарулел идараби гIуцIизе ккеялъулги мухIканго бицана респубикаялъул бетIерас гьеб дандеруссиналда.
Талат къоялъ Россиялъул ИТАР-ТАСС информагентлъиялда тIобитIана Рамазан ГIабдулатIиповас Дагъистаналъул бетIерлъула лъагIел баялда хурхараб, ва гьеб соналда жаниб гьес гьабураб хIалтIул хIасилазул бицараб пресс-конференция.
Гьеб данделъиялда ГIабдултIиповас кIвар кьун бицана Дагъистаналда гIуцIизе байбихьун бугеб газгун нартбахъулеб компаниялъул, республикаялда инвестициял цIикIкIинаризе ккеялъул, экстремизмалде данде къеркьеялъул ва салафиязулгун гара-чIвари гьабизе ккеялъул.
ГIемер бицунел Дагъистаналда бугеб экстремизмгун, коррупциялъул темаби нахъегIан цунин абизе бегьула гьеб пресс-конференциялда ГIабдулатIипов Рамазаница 1 марталдаса нахъе жибго бетIергьанаб республикаялъулаб газгун нарт бахъулеб компания гIуцIизе бугин лъазабидал.
ТIоцебе исана 15 янвралда ГIабдулатIиповас Дагъистаналъул парламенталде гьабураб хитIабалда рехсон букIана гьединаб компания гIуцIизе къваригIун бугин Дагъистаналдайилан.
Гьес абун букIана Дагъистаналда газгун нарт бахъулеб бугин абун республикаялъул экономикаялъе гьелъул гIемер кутакаб пайдаго гьечIин, щай гурелъул гьел магIданал рахъулел ругин дагъистаналдехун кинаб бугониги хурхен гьечIел россиялъул компаниязилан.
ГIабдулатIипов Рамазан: «1 марталдаса нахъе гьеб нартилгун газалъул компания гIуцIизе байбихьизе буго. Гьаб сагIат Дагъистаналъул парламент гьеб суалалда тIад хIалтIулеб буго.
Гьединаб компания гIуцIиялъул рахъ ккурал бизнесменалги руго гьеб рагьиялъе квербакъи гьабулел.
Гьеб компания гIуцIизе ккани батIи-батIиял федералиял идарабигун гьоркьоблъи гьабизе кколеб буго, гьеб рахъалъги жигараб хIалтIи ине буго.
Дие цойги нухалъ тIадчIун абизе бокьун буго Дагъистаналъул нартгун газ бахъулеб компания нижер республикаялда хIалтIулел гьединал цойгидал компаниязде данде гIуцIараб жо гурилан, гьелде регIун гьечIо ниж.
Цебего гIадин «Роснефтьгун» ва «Лукойлгун» хIалтIизеги руго ниж, амма нартгун газ бахъулеб рахъалъан нижерго кьучIаб рагIи абичIого гIолеб хIалги гьечIоха республикаялда».
Гьединго ГIабдулатIиповас бищун цере чIарал масъалабазда гьоркьоб рехсана Дагъистаналъул авиакомпания цIидасан хIалтIизе биччаялъул ва гьеб цебетIеялъул суал, «Анжиялъул» чIей Дагъистаналда букIинабиялъул суалал.
ГьабсагIат «Анжи» цохIо хIазе гурони рачIунаро Дагъистаналда, гьезул чIей Москваялда аскIоб бугеб хасаб базаялда буго.
ГIабдулатIиповасул пикруялда рекъон Москваялда ругел «Анжиялъул» футболистаз Дагъистаналда футбол ва спорт цебетIезабуларо, гIадамазда гьоркьоб гьеб тIибитIизабуларо.
Дагъистаналде рахъине футболистазе киналго шартIал чIезаризе ругинги лъазабуна республикаялъул бетIерас.
Журналистазул гIемерисел суалал рукIана Дагъистаналда хIинкъигьечIолъи букIинабиялда хурхунги.
Гьелъие кинаб хIалтIи гьабулеб бугеб, церегIан саназ гIуцIун букIараб изнугьечIого яргъидгIуцIарал ракълилаб гIумруялде рачине кумек гьабулеб хасаб комиссия цIидасан хIалтIизе биччазе бугищилан цIехолеб букIана Дагъистаналъул бетIерасда.
ГIабдулатIипов Рамазан: «Цебе гIадин, ракълилаб гIумруялде рачIине бокьаразулго цебеккунго щулияб къотIи-къайги гьабичIого гIадамал рохьоса къватIире рачиналъул щибго пайда кколаро.
ГIадамал ракълилаб гIумруялде рачунел гIемерисел тадбирал ахиралдаги гьев чиясул гIагарлъиялъ гьев гъоркьлъалиса вахъизе гIарац кьеялдалъун лъугIулаан.
Гьедин хIалтIун жо кколаро, хасго ахIи-хIурги гьабизе бегьуларо гьединал ишазда сверун, щай гурелъул ракъилаб гIумруялда рукIине бокьаразе гьеб хIажат гьечIеб реклама кколелъул.
Гьединлъидал ниж руцIцIухIунги рукIун хIалтIилел руго. Гъоркьисала апрелалъ гIуцIун букIараб рекъел гьабиялъул комиссияги, гьеб изнугьечIого яргъидгIуцIарал ракълилаб гIумруялде ахIулеб комиссияги цадахъ рекъон хIалтIун лъагIалида жаниб 34 чи нахъе вачана нижеца рохьоса.
Амма гьеб ишалъулъ цIакъ цIодорго, гIодоре риччан, низамцIунулелгун рекъон хIалтIизе ккола. Щай гурелъул дагьав цевегIан рохьоса нижеца нахъе вачарав цо Унсоколоса вас къватIиве вачун вахъиналде полицияъ ккуна.
Гьединал хIужабазги нижер хIалтIуе квалквал гьабула. Гьединлъидал къуваталъул идарабигун цоцалъ рекъон хIалтIизе руго ниж»
ГIадамал ракълилаб гIумруялде рачиналъул иш дагьабги лъикI билълъинабизе
МахIачхъалаялда, Дербенталда, Кизляралда ва магIарухъ халкъ ракълиде ахIулел ва рачунел комиссиял гIуцIизе ракIалда бугинги лъазабуна ГIабдулатIипов Рамазаница.
Гьеб данделъиялда ГIабдултIиповас кIвар кьун бицана Дагъистаналда гIуцIизе байбихьун бугеб газгун нартбахъулеб компаниялъул, республикаялда инвестициял цIикIкIинаризе ккеялъул, экстремизмалде данде къеркьеялъул ва салафиязулгун гара-чIвари гьабизе ккеялъул.
ГIемер бицунел Дагъистаналда бугеб экстремизмгун, коррупциялъул темаби нахъегIан цунин абизе бегьула гьеб пресс-конференциялда ГIабдулатIипов Рамазаница 1 марталдаса нахъе жибго бетIергьанаб республикаялъулаб газгун нарт бахъулеб компания гIуцIизе бугин лъазабидал.
ТIоцебе исана 15 янвралда ГIабдулатIиповас Дагъистаналъул парламенталде гьабураб хитIабалда рехсон букIана гьединаб компания гIуцIизе къваригIун бугин Дагъистаналдайилан.
Гьес абун букIана Дагъистаналда газгун нарт бахъулеб бугин абун республикаялъул экономикаялъе гьелъул гIемер кутакаб пайдаго гьечIин, щай гурелъул гьел магIданал рахъулел ругин дагъистаналдехун кинаб бугониги хурхен гьечIел россиялъул компаниязилан.
ГIабдулатIипов Рамазан: «1 марталдаса нахъе гьеб нартилгун газалъул компания гIуцIизе байбихьизе буго. Гьаб сагIат Дагъистаналъул парламент гьеб суалалда тIад хIалтIулеб буго.
Гьединаб компания гIуцIиялъул рахъ ккурал бизнесменалги руго гьеб рагьиялъе квербакъи гьабулел.
Гьеб компания гIуцIизе ккани батIи-батIиял федералиял идарабигун гьоркьоблъи гьабизе кколеб буго, гьеб рахъалъги жигараб хIалтIи ине буго.
Дие цойги нухалъ тIадчIун абизе бокьун буго Дагъистаналъул нартгун газ бахъулеб компания нижер республикаялда хIалтIулел гьединал цойгидал компаниязде данде гIуцIараб жо гурилан, гьелде регIун гьечIо ниж.
Цебего гIадин «Роснефтьгун» ва «Лукойлгун» хIалтIизеги руго ниж, амма нартгун газ бахъулеб рахъалъан нижерго кьучIаб рагIи абичIого гIолеб хIалги гьечIоха республикаялда».
Гьединго ГIабдулатIиповас бищун цере чIарал масъалабазда гьоркьоб рехсана Дагъистаналъул авиакомпания цIидасан хIалтIизе биччаялъул ва гьеб цебетIеялъул суал, «Анжиялъул» чIей Дагъистаналда букIинабиялъул суалал.
ГьабсагIат «Анжи» цохIо хIазе гурони рачIунаро Дагъистаналда, гьезул чIей Москваялда аскIоб бугеб хасаб базаялда буго.
ГIабдулатIиповасул пикруялда рекъон Москваялда ругел «Анжиялъул» футболистаз Дагъистаналда футбол ва спорт цебетIезабуларо, гIадамазда гьоркьоб гьеб тIибитIизабуларо.
Дагъистаналде рахъине футболистазе киналго шартIал чIезаризе ругинги лъазабуна республикаялъул бетIерас.
Журналистазул гIемерисел суалал рукIана Дагъистаналда хIинкъигьечIолъи букIинабиялда хурхунги.
Гьелъие кинаб хIалтIи гьабулеб бугеб, церегIан саназ гIуцIун букIараб изнугьечIого яргъидгIуцIарал ракълилаб гIумруялде рачине кумек гьабулеб хасаб комиссия цIидасан хIалтIизе биччазе бугищилан цIехолеб букIана Дагъистаналъул бетIерасда.
ГIабдулатIипов Рамазан: «Цебе гIадин, ракълилаб гIумруялде рачIине бокьаразулго цебеккунго щулияб къотIи-къайги гьабичIого гIадамал рохьоса къватIире рачиналъул щибго пайда кколаро.
ГIадамал ракълилаб гIумруялде рачунел гIемерисел тадбирал ахиралдаги гьев чиясул гIагарлъиялъ гьев гъоркьлъалиса вахъизе гIарац кьеялдалъун лъугIулаан.
Гьедин хIалтIун жо кколаро, хасго ахIи-хIурги гьабизе бегьуларо гьединал ишазда сверун, щай гурелъул ракъилаб гIумруялда рукIине бокьаразе гьеб хIажат гьечIеб реклама кколелъул.
Гьединлъидал ниж руцIцIухIунги рукIун хIалтIилел руго. Гъоркьисала апрелалъ гIуцIун букIараб рекъел гьабиялъул комиссияги, гьеб изнугьечIого яргъидгIуцIарал ракълилаб гIумруялде ахIулеб комиссияги цадахъ рекъон хIалтIун лъагIалида жаниб 34 чи нахъе вачана нижеца рохьоса.
Амма гьеб ишалъулъ цIакъ цIодорго, гIодоре риччан, низамцIунулелгун рекъон хIалтIизе ккола. Щай гурелъул дагьав цевегIан рохьоса нижеца нахъе вачарав цо Унсоколоса вас къватIиве вачун вахъиналде полицияъ ккуна.
Гьединал хIужабазги нижер хIалтIуе квалквал гьабула. Гьединлъидал къуваталъул идарабигун цоцалъ рекъон хIалтIизе руго ниж»
ГIадамал ракълилаб гIумруялде рачиналъул иш дагьабги лъикI билълъинабизе
МахIачхъалаялда, Дербенталда, Кизляралда ва магIарухъ халкъ ракълиде ахIулел ва рачунел комиссиял гIуцIизе ракIалда бугинги лъазабуна ГIабдулатIипов Рамазаница.