Цо къоялда жаниб информациялъул политикалъулъ хиса-басиял гьарулаго, республикаялъул нухмалъулев Рамазан ГIабдулатIиповас кIиго чи хъулухъалдаса нахъе вахъана кIиго чи, цIиял бакIазде тIамуна лъабгоял.
Гьедин РГВК телеканалалдаса нахъе вачана ГIумаргIусман ХIажиев, гьесул бакIалда тана гьанжелъагIан президентасулгун хIукуматалъул пресс-секретарьлъун вукIарав МухIамадбег АхIмадов.
Гьелде щвезегIанги гьев вукIана экономикиял темабазда хIалтIулев журналист. ГьабсагIаталда лъалеб гьечIо ГIумаргIусман ХIажиев кинаб хъулухъалда толев вугевали. Абулеб буго цебего букIараб хъулухъалде тIамулев вугиланги – газет-журналазул басмаханаялде.
МухIамадбег АхIмадов ун чIобоголъараб бакIалде ячана информациялъул министр хисулейлъун йикIарай Тамара Чиненная. Дагъистаналдаса гIадан йикIаниги, республикаялда хIалтIун щвараб хIалбихьи гьечIо гьелъул.
Москваялда Федерациялъул Шураялда йикIанин, гьединго «Радио России» радиоялда хIалтIанин абулеб буго.
Гьелдаго цадахъ хисана официалияб пикру загьир гьабулеб «Дагестанская правда» газеталъул нухмалъиги. АнцIгоялдаса цIикIкIун соназ гьелъие нухмалъи гьабулев вукIарав Идрисов Раджабил бакIалда тана журналист Бурлият Токъболатова.
Гьений ячIун чанго сон гурони гьелъул. Гьелде щвезегIан гьей йихьулаан жамгIияб ва политикияб хIалтIулъ. Жеги лъалеб Идрисовги кинаб хъулухъалде тIамилевали. Амма гьев гьеб редакторлъиялдаса нахъе унев вугин абурал харбал рукIана гIодоса гIодобе анцIгониги соналъ.
Газеталде вачIинегIан гьев вукIана тумазул мухъалъул муниципалияб гIуцIиялъул нухмалъиялда.
Гьел хиса-басиязда тIасан ЭР-ялъе пикру загьир гьабулаго журналист Муса Мусаевас рикIкIунеб буго республикаялда цо кинал ругониги хиса-басиял кккезе ратилин, гуребани республикаялъул нухмалъулес гьанже вахъун инфорполитикаялъухъги гьединал хиса-басиял гьарилароанин.
Гьедин информация тIибитIизабулел бакIазда цебеккунго жиндирго чагIи тезе къваригIараб хIисаб бугин ГIабдулатIиповасе.
Гьедин РГВК-лда тарав МухIамадбег АхIмадовги, республикаялъул президентасулгун хIукуматалъул пресс-секретарь Тамара Чиненнаяги рикIкIуна Рамазан ГIабдулатIиповасул рахъккурал чагIилъун.
Масала, Саратов мухъалдаса сенаторлъун Федерациялъул Шураялда Рамазан ГIабдулатIипов вугеб мехалда Тамара Чиненная гьений хIалтIулей йикIун йиго.
Мусаевасул пикруялда рекъон, «Дагправдаялъул» редакторлъун тарай Токъболатова ккола кидаго жамгIияталда гъорлъ йикIуней, гьединго тIалъи беццулей гIадан.
Раджаб Идрисов – магIишат гьабулев чи, менеджер.
Муса Мусаев: «Гьедин республикаялъул нухмалъулес магIишат гьабулел чагIазул, менеджеразул бакIалда журналистал тун ругоха хъулухъазда. Масала, РГВК телеканалалъул нухмалъулев ГIумаргIусман ХIажиевасул бакIалде тIамуна цевеги экономикиял магIнаялъул программаби хIадурулев вукIарав МухIамадбег АхIмадов.
Гьединго Дагправда газеталдагиха – чиновник Идрисов Раджабил бакIалде тIамун йиго журналист Бурлият Токбулатова. Цо рахъалъ гьелъулъ тIокIлъги буго.
Амма цоги рахъалъ хIисаб гьабуни, хас гьабун гьанже щай гьединал хиса-басиял къваригIарал? Абулеб буго цо кIудияб политикияб лъугьа-бахъин ккезе рес бугин.
Яги хIукумат хисизе рагIулин. Гьедин информация тIибитIизабулел бакIал щула гьарулел ратилаха ГIабдулатIиповасги.
Амма хIукумат хисани, РГВК телеканалалда МухIамадбег АхIмадовги нахъе вахъун, жидее данде кколев цогиги чи тезе бегьула цIияв премьерас. Амма Тамара Чиненная жиндирго хъулухъалда хутIизе бегьула. ГIурус миллаталъул гIадан хIисабалдаги, Москваялдаса вакил хIисабалдаги захIмат букIине буго гьей нахъе яхъизе».
Цо-цо чагIазул пикруялда рекъон, «Дагправдаялъул» редакторлъун Бурлият Токъболатова тезе квербакъи гьабун батизе буго гьелъулгун цо миллаталъул чилъун кколев Халкъияб Мажлисалъул спикер Хизри ШихсагIидовас.
Гьелде щвезегIанги гьев вукIана экономикиял темабазда хIалтIулев журналист. ГьабсагIаталда лъалеб гьечIо ГIумаргIусман ХIажиев кинаб хъулухъалда толев вугевали. Абулеб буго цебего букIараб хъулухъалде тIамулев вугиланги – газет-журналазул басмаханаялде.
МухIамадбег АхIмадов ун чIобоголъараб бакIалде ячана информациялъул министр хисулейлъун йикIарай Тамара Чиненная. Дагъистаналдаса гIадан йикIаниги, республикаялда хIалтIун щвараб хIалбихьи гьечIо гьелъул.
Москваялда Федерациялъул Шураялда йикIанин, гьединго «Радио России» радиоялда хIалтIанин абулеб буго.
Гьелдаго цадахъ хисана официалияб пикру загьир гьабулеб «Дагестанская правда» газеталъул нухмалъиги. АнцIгоялдаса цIикIкIун соназ гьелъие нухмалъи гьабулев вукIарав Идрисов Раджабил бакIалда тана журналист Бурлият Токъболатова.
Гьений ячIун чанго сон гурони гьелъул. Гьелде щвезегIан гьей йихьулаан жамгIияб ва политикияб хIалтIулъ. Жеги лъалеб Идрисовги кинаб хъулухъалде тIамилевали. Амма гьев гьеб редакторлъиялдаса нахъе унев вугин абурал харбал рукIана гIодоса гIодобе анцIгониги соналъ.
Газеталде вачIинегIан гьев вукIана тумазул мухъалъул муниципалияб гIуцIиялъул нухмалъиялда.
Гьел хиса-басиязда тIасан ЭР-ялъе пикру загьир гьабулаго журналист Муса Мусаевас рикIкIунеб буго республикаялда цо кинал ругониги хиса-басиял кккезе ратилин, гуребани республикаялъул нухмалъулес гьанже вахъун инфорполитикаялъухъги гьединал хиса-басиял гьарилароанин.
Гьедин информация тIибитIизабулел бакIазда цебеккунго жиндирго чагIи тезе къваригIараб хIисаб бугин ГIабдулатIиповасе.
Гьедин РГВК-лда тарав МухIамадбег АхIмадовги, республикаялъул президентасулгун хIукуматалъул пресс-секретарь Тамара Чиненнаяги рикIкIуна Рамазан ГIабдулатIиповасул рахъккурал чагIилъун.
Масала, Саратов мухъалдаса сенаторлъун Федерациялъул Шураялда Рамазан ГIабдулатIипов вугеб мехалда Тамара Чиненная гьений хIалтIулей йикIун йиго.
Мусаевасул пикруялда рекъон, «Дагправдаялъул» редакторлъун тарай Токъболатова ккола кидаго жамгIияталда гъорлъ йикIуней, гьединго тIалъи беццулей гIадан.
Раджаб Идрисов – магIишат гьабулев чи, менеджер.
Муса Мусаев: «Гьедин республикаялъул нухмалъулес магIишат гьабулел чагIазул, менеджеразул бакIалда журналистал тун ругоха хъулухъазда. Масала, РГВК телеканалалъул нухмалъулев ГIумаргIусман ХIажиевасул бакIалде тIамуна цевеги экономикиял магIнаялъул программаби хIадурулев вукIарав МухIамадбег АхIмадов.
Гьединго Дагправда газеталдагиха – чиновник Идрисов Раджабил бакIалде тIамун йиго журналист Бурлият Токбулатова. Цо рахъалъ гьелъулъ тIокIлъги буго.
Амма цоги рахъалъ хIисаб гьабуни, хас гьабун гьанже щай гьединал хиса-басиял къваригIарал? Абулеб буго цо кIудияб политикияб лъугьа-бахъин ккезе рес бугин.
Яги хIукумат хисизе рагIулин. Гьедин информация тIибитIизабулел бакIал щула гьарулел ратилаха ГIабдулатIиповасги.
Амма хIукумат хисани, РГВК телеканалалда МухIамадбег АхIмадовги нахъе вахъун, жидее данде кколев цогиги чи тезе бегьула цIияв премьерас. Амма Тамара Чиненная жиндирго хъулухъалда хутIизе бегьула. ГIурус миллаталъул гIадан хIисабалдаги, Москваялдаса вакил хIисабалдаги захIмат букIине буго гьей нахъе яхъизе».
Цо-цо чагIазул пикруялда рекъон, «Дагправдаялъул» редакторлъун Бурлият Токъболатова тезе квербакъи гьабун батизе буго гьелъулгун цо миллаталъул чилъун кколев Халкъияб Мажлисалъул спикер Хизри ШихсагIидовас.