Анкьил тIаса рищарал суратал, 2-8 декабрь.
Япониялъул аскарияз Перл-Харбор абулеб аэропорталде гьужум гьабуралдаса 72 сон тIубаялда бан 7 декабрялда тIобитIараб тадбиралда гIахьаллъарал ветеранал. (AFP)
Киевалда бугеб Украиналъул президентасул кIалгIаялда цебе евроинтеграциялде руссараз гIуцIараб митинг. 7 декабрь.
Лондоналда бугеб Трафальгар абулеб майдан. Гьалкъояз гIумруялдаса ватIалъарав Жанубияб Африкаялъул вукIарав президент Нельсон Манделал хIурматалъе букIараб тадбир. 7 декабрь. (Reuters )
Гьиндустаналъул суратчияс жиндирго малъалда Нельсон Манделал сурат бахъулеб буго. ( AFP )
Киев. Эркенлъиялъул майдан. Евроцолъиялъул ва Украиналъул байрахъал эхеде рорхун, евроинтеграция тIалаб гьабулел гIадамал. ( ЕРА )
Жанисел ишазул министерлъиялъул хъулухъчагIигун кIалъалей Евроинтеграциялде юссарай украинай. (Reuters / Василий Федосенко )
Гамбург. ЧчугIил базар «Ксавьер» абулеб гIазул гьури бахъараб къоялъ. ( AFP / DPA )
«Ксавьер» абулеб гIазул гьороца Алманиялъул Шималияб ралъдал рагIаллъиялде кьабун, кIудияб зарал гьабун буго. ( Reuters )
ГIиракъалъул Наджаф шагьаралда террористаз гьабураб суицидалияб гьужумалъул хIасилалда чIварав чи гьесул гIага-божарал абадияб рукъове регIинавулев вуго. ( Reuters )
Франциялъул Экс-ан-Прованс шагьаралъул диваналде щвезавурав Гуржистаналъул улка цIуниялъул вукIарав министр Давид Кезерашвили. Гьесде гIунтIизабулеб гIайиб – ришватчилъи ва коррупция. Жиндир ватIаналда гьев цIех-рехалде лъазавун вуго. Аппеляционияб диваналъ хIукму гьабун буго гьев жанив тезе гьев Гуржистаналде экстрадиция гьавиялда хурхараб къотIи гьабизегIан. ( AFP )
Дипломал щварал Афгъанистаналъул акушеркаби Нангархар вилаяталъул Жалалабад шагьаралъул губернаторасул Рукъалда цебе гIуцIараб тадбиралда. ( AFP )
Россиялъул бетIерав раввин Берл Лазар (квегIса укъабилев) Ханука абулеб жугьутIазул байрам кIодо гьабулеб буго Бутырка абулеб Москваялда бугеб туснахъалда. ( AFP / Кирилл Кудрявцев )
ХIукуматалде данде чIарал демонстрантаз Киевалда бугеб Эркенлъиялъул майданалда футбол хIалел руго.
Афгъанистаналъул хасаб хъулухъалъул Герататла бугеб цIалул идара цIалун лъугIарал рохалилаб тадбиралда. (ЕРА)
Афгъанистаналъул Лахор абулеб бакIалда ккараб лъугьа-бахъин. (Reuters / Mohsin Raza )
Болгариялда гIуцIараб тIурун чIаразул мархьи. ( EPA )
Сакъатал гIадамазул халкъаздагьоркьосеб къоялъ сакъатал лъималаз Бенгалиялъул хIукуматалдаса тIалаб гьабулеб букIана жидерго ихтиярал цIуни. Калькутта, 3 декабрь. (EPA / Piyal Adhikary )
Кабулалъул цо къватIалда бахъараб сурат. ( Reuters )
Киев.Эркенлъиялъул майдан. ГIисал диналъул рухIанияв гьениб унеб бугеб демонстрациялда. (Reuters)
«Къуваталъ бецлъизабулеб буго. Дун лагъ гуро», - ян хъван буго Львов шагьаралда хIукуматалде данде гIуцIараб демонстациялъул гIахьалчIужуялъул буразда тIад. ( AFP )
Россиялъул президент Владимир Путиница Эрмениялде бухьараб сапаралде данде чIарал Ереван шагьаралъул гIадамал. ( AFP )
Таиландалъул тахшагьар Бангкокалда хIукуматалде данде тIобитIараб демонстация. (Reuters / Dylan Martinez )
Киев. Президентасул администрациялъул минаялда цебе гIуцIараб митинг. ( Reuters )
Афгъанистаналъул Жалалабад шагьаралъул сверухълъиялда бугеб тIурун чIаразул мархиялда рагьараб зодикь бараб мактаб. ( AFP / Noorullah Shirzada )