Ригаялда «Максима» абулеб супермаркеталъул тIох тIедал хваразул къадар 40 чиясде бахун буго. Гьезда гьоркьов вуго гIадамал хвасар гьаризе арав лъабгоявги. Жеги тIураб тIохалда гъоркь 25 чи хутIун ватизе рес бугин лъазабулеб букIана хвасарчагIаз рузман къоялъул бакъанида. Лъукъунги вуго 40 чи, гьезул гIемерисел захIматаб хIалалда руго. Гьезда гьоркьовги вуго 10 хвасарчи. Гьедин лъазабулеб буго Латвиялъул DELFI агентлъиялъ. ГIадамал хвасар гьариялъул хIалтIаби гьенир халат рахъунел руго. 23 ноябрь улкаялда лъазабун буго чIегIер баялъул къолъун.
ТIох тIун буго хамиз къоялъул къаси. Цин биххун буго цо къедги тIохги, хадуб хвасарчагIаз хIалтIаби байбихьараб мехалда биххун буго цоги къед. Гьеб мина бан букIун буго 2011 соналда.
ТIох тIун буго хамиз къоялъул къаси. Цин биххун буго цо къедги тIохги, хадуб хвасарчагIаз хIалтIаби байбихьараб мехалда биххун буго цоги къед. Гьеб мина бан букIун буго 2011 соналда.