Боксер ГIабдусаламов сахлъиялда хьул буго
Your browser doesn’t support HTML5
2 ноябралдаса нахъе Нью-Йоркалда Рузвельтил азарханаялда ботIрое операция гьабун хадуб тохтурзабаз комаялда чIезавун вуго Дагъистаналдаса машгьурав боксер ГIабдусаламов МухIамад. 1981 соналда МахIачхъалаяда гьавурав ва гIурав ГIабдусаламов профессионалияб боксалде вачIуна 2008 соналда. Гьелдаса нахъе бергьенлъаби гурони рукIинчIев МухIамадида кIвечIо 2 ноябралда WBC версиялда америкаялъул чемпионасул цIар цIунизе, Пересикьа къана гьев. ТIоцебесеб раундалда квер беканиги 10 раундалъ гьесие дандечIей гьабула МухIамадица. Гьанже МухIамадие материалияб кумек гьабизе бокьараз банкалде гьесул лъади Баканайил цIаралда гIарац битIизе рес буго.