АрбагI къоялъ МахIачхъалаялда тIобитIараб хасаб операциялъул хIасилалда чIварал кIигоязул цояв яргъидгIуцIаразул «махIачхъалаялъул» къукъаялъул лидер Къасумов Мурад вукIараблъи тIатанин лъазабулеб буго низам цIунулез. Гьединго абулеб буго, Волгоградалъул автобусалда жаниб кьвагьизабизе бомба хIадуреян буюри кьурав чиги вукIанин гьеван. Цоги чIварав рагIула Муслимов Камал абулев гIолилав.
МахIачхъалаялда 19 ноябралда полициязде кIиго нухалда кьвагьдон хадусан шагьаралъул Киров мухъалда лъазабун букIана контртеррористияб операциялъул низам. Гьел кьвагьиязда чIван вуго цо гIадатияв чиги, кIиго полициявги, жеги кIиго полицияв лъукъунги вуго. ТIадекIанцIаразул цояв чIван вуго ва абулеб буго гьев Хъазанбиев Руслан вукIанин. Гьесги Волгоградалда кьвагьи гьабизе квербакъун букIанин. Гьесда цадахъ рукIарал кIигоял хадусеб къо 20 ноябралда цо хасаб рокъоб сверунги ккун чIванин лъазабулеб буго.
Волгоградалда автобусалда кьвагьи гьабидал хун вукIана анлъго ва гьал къоязда азарханаялда хвана анкьабилев чи.
МахIачхъалаялда 19 ноябралда полициязде кIиго нухалда кьвагьдон хадусан шагьаралъул Киров мухъалда лъазабун букIана контртеррористияб операциялъул низам. Гьел кьвагьиязда чIван вуго цо гIадатияв чиги, кIиго полициявги, жеги кIиго полицияв лъукъунги вуго. ТIадекIанцIаразул цояв чIван вуго ва абулеб буго гьев Хъазанбиев Руслан вукIанин. Гьесги Волгоградалда кьвагьи гьабизе квербакъун букIанин. Гьесда цадахъ рукIарал кIигоял хадусеб къо 20 ноябралда цо хасаб рокъоб сверунги ккун чIванин лъазабулеб буго.
Волгоградалда автобусалда кьвагьи гьабидал хун вукIана анлъго ва гьал къоязда азарханаялда хвана анкьабилев чи.