Санкт-Петербургалъул диванханабазда хал гьабулеб буго «Гринписалъул» активистазе Arctic Sunrise гамида тIад рукIарал журналистазе ва гьелъул экипажалъе туснахъалъур кквезе болжалал халат гьариялъул ишазул. Гьел жанир тIамун рукIана россиялъул «Приразломная» абулеб нарт бахъулеб платформаялда аскIоб акция тIобитIун хадуб. КъватIисел улкабаздаса лъабго чи гIарац кьун къватIире риччазе разилъун буго диванхана.
ТIоцебе 2 млн. гъурщихъе къватIие йиччан йиго Бразилиялдаса Ана Паула, хадур риччазе руго ЦIияб Зеландиялдаса Дэвид Джон Гьаусман ва Аргентиналдаса Мигель Эрнан Перес Орси. Гьезухъ гIарац кьезе кколеб буго 29 ноябрь щвелалде. ГIенеккиял халат рахъунел руго. Талат къоялда лъан буго «Гринписалъ» россиялдаса лъабго чи эркен гьавизелъун анлъго миллион гъурущ бакIарун букIин.
ТIоцебе 2 млн. гъурщихъе къватIие йиччан йиго Бразилиялдаса Ана Паула, хадур риччазе руго ЦIияб Зеландиялдаса Дэвид Джон Гьаусман ва Аргентиналдаса Мигель Эрнан Перес Орси. Гьезухъ гIарац кьезе кколеб буго 29 ноябрь щвелалде. ГIенеккиял халат рахъунел руго. Талат къоялда лъан буго «Гринписалъ» россиялдаса лъабго чи эркен гьавизелъун анлъго миллион гъурущ бакIарун букIин.