Хамис къоялда украиналъул ТIадегIанаб Радаялда гьоркьоб лъолеб букIана экс-премьер Юлия Тимошенко сах гьайиялъе къватIисеб пачалихъалде йиччаялда хурхараб суал. Парламенталъул данделъи тIобитIулеб букIана къватIазда тIоритIулел акциязул фоналда.
Киевалъул Крещатикалда коммунистаз кIодо гьабулеб букIана Октябралъул революция бергьиналъул къо ва тIалаб гьабулеб букIана евроинтеграциялдаса инкар гьаби.
Гьебго заманалда парламенталда аскIор оппозициял партиязул рахъ кколез ахIи балеб букIана гIагсалда Евроцолъигун гIагарлъиялде ва Юлия Тимошенко эркен гьайиялде. Радаялъул данделъи халат бахъине буго рузман къоялда.