Афгъанистаналъул президент ХΙамид Карзайицаги Цолъарал штатазул пачалихъияв секретарь Джон Керрицаги Кабулалда шамат къоялда халат рахъинаруна хΙинкъигьечΙолъиялъул кΙиябго рахъалъул къотΙи-къаялда сверун кΙалъа-басаял.
Цебесеб къоялда америкаялъул хΙукуматалъул вакилас лъазабун букΙана рузман къоялда букΙараб гара-чΙвариялда рахъазда бажаранин цо-цо рахъалдаса цо пикруялде рачΙинеян. Амма гьес лъазабичΙо рачине ругищали щвараб прогрессалъ Цолъарал Штатазе бокьухъе октябралъул ахиралде щвелелде къотΙи-къай гъулбасиялде. Гьеб документалъ къанунияб къагΙидаялда ресал рагьизе ккола 2014 соналда Афгъанистаналдаса НАТОялъул рагъулазул контингент нахъ бачун хадуб улкаялда америкаялъул рагъулазул къокъа тезе.
Цебесеб къоялда америкаялъул хΙукуматалъул вакилас лъазабун букΙана рузман къоялда букΙараб гара-чΙвариялда рахъазда бажаранин цо-цо рахъалдаса цо пикруялде рачΙинеян. Амма гьес лъазабичΙо рачине ругищали щвараб прогрессалъ Цолъарал Штатазе бокьухъе октябралъул ахиралде щвелелде къотΙи-къай гъулбасиялде. Гьеб документалъ къанунияб къагΙидаялда ресал рагьизе ккола 2014 соналда Афгъанистаналдаса НАТОялъул рагъулазул контингент нахъ бачун хадуб улкаялда америкаялъул рагъулазул къокъа тезе.