МахIачхъалаялда «Меседил империя» абулеб рестораналда гьатIан къоялъ лъун букIараб бомба кьвагьиларедухъ гьабуна итни къоялда низам цIунулез. Гьедин лъазабулеб буго «Интерфаксалъ». Рестораналда жаниса роботалъ къватIибеги босун гидродинамикияб алаталъ биххизабун буго гьеб. Гьелъул къуват тротилалъул эквиваленталда бащалъулеб букIун буго 12 килокраммалда. Гьурмазда маскаби ххурав лъабго чи рестораналъул столалда тIад гьеб лъун чанго нухалда мокърокьеги кьвагьун гьениса нахъе ун вукIун вуго цебесеб сордоялъ.
