Анкьил тIаса рищарал суратал. Август, 12-18
Москва, 2013 соналъул 17 август. Дунялалъул атлетикияб чемпионат. (AFP / Adrian Dennis)
Филиппиназул ралъдал рагIаллъиялъул хъаравуллъи гьабулеб рагъулаб гама (квегIса). 16 августалда "Св. Фома Аквинский" абураб бурамалде данде къан букIараб юк бачунеб гамида аскIоб. Бурам ралъдалъ гъанкъун анцI-анцI пассажир хвана. (AFP / Ted Aljibe)
Прагаялъул Староместска абулеб майданалда 17 августалда букIараб тIабигIаталде данде кколареб къагIидаялда бухьенал рокьулезул парад. (AFP / Михал Чижек)
Каиралъул Аль-ФатехI абулеб мажгиталда жаний йигей чIужу-гIаданалъ кIалъалей йиго полициялуласулгун. 17 августалъул сардилъ Мисралъул аскарияз мажгиталдаса нахъе гъуна жанир рукIарал тIаса рехарав президент МухIамад Мурсил рахъ ккурал. (AFP)
Каир. 16 август. Къурангун кодоб-йигей чIужу гIадан. (RFE / RL. АхIмад Рагаб)
Каир, 16 август. Рамзес абулеб майданалда «Вацал-бусурбаби» абулеб багъа-бачариялъул реккерун унел вакилзаби. (Reuters / Amr Abdallah Dalsh)
Гьурмада газалдаса цIунулеб маскагихун... Каир, 16 август. Рамзес абулеб майданалда тунка-гIусси. (Reuters / Amr Abdallah Dalsh)
19 сон барав Закария Алакори ва 16 сон барав Асем Аль-Хшми (квегIса) Либиялъул Бенгъазиялда бугеб пляжалда паркур абулеб къецалда. (Reuters)
Жанубияб Америкалда батараб ва латиналъ Bassaricyon Neblina абулеб тайпаялъул гьитIинаб жанавар. (Reuters)
Пакистан, Карачиялда бугеб улкаялъе кьучI лъурав МухIамад ГIали Джиннасул мавзолей. ГIолохъаназ кIодо гьабулеб буго Пакистаналъул лъидаго бачIеблъи лъазабуралдаса 66 сон тIубай. (AFP)
Апгъанистан. Кабул. Дунялалъул жонглеразул 8-билеб къец. (AFP)
Иерусалималда (Къудсалда) аскIоб бугеб Бейт-Шемеш абулеб гьитIинаб шагьаралда ультраортодоксаз багъарараб тунка-гIуссиялда ГIизраилалъул гIурхъи цIунулел. Гьел ультраортодоксазул ццим бахъун букIана некIсиял хабзазда рукъзал раялъ. (Reuters)
Пакистаналъул Кветта шагьар. Гьиндустаналъул байрахъалда чIарав пакистаналъул вас. (AFP)
Мисралъул чIужу-гIадан полициялъ чIваразул жаназабазда тIад. (AFP )
Дунялалъул кIиабилеб рагъда Япониялъул аскарияз секс-лагъзаллъун гьарурал Кореялъул руччабазул сураталгун кодор Сеул бакьулъ букIараб демонстрациялъул гIахьалчагIаз гьел ракIалде щвезарулел руго. Гьезул цояй – Ли Йонг (гьелъул сурат – бакьулъ) гIумруялдаса ятIалъана исана 11 августалда. (Reuters)
Алманиялъул Гейселвильд. ХIухь бахъиялъул ахалда бугеб хIавуз. (AFP)
Дунялалъул анкьцIул чемпион Исинбаева Елена Москваялъул Лужники стадионалда атлетикаялъул чемпионат унеб мехалда. (AFP)
Мисралъул тахшагьаралда букIараб тунка-гIуссиялда низам цIунулеб полиция. (Reuters)
Испаниялда ва ингилизазул ракьлъун кколеб Гибралдаралда гьоркьоб бугеб гIурхъида автомобилазул халатаб ирга. 13 августалда Испаниялъул тIадтараз гьениб кьварараб низам тIад чIезабуна. (AFP / Marcos Moreno)
Гьиндустаналъул Ченнай шагьаралда лъидаго бачIеб къо кIодо гьабиялъул генералияб репетициялда лъавудаса арай полициялъулай. (Reuters)
Москва, Дунялалъул атлетикаялъул чемпионат. (Reuters / Максим Шеметов)
Тель-Авивалда бугеб пляжалда хIухь бахъулел палестиниял. (AFP / Менахем Кахане)
Шималияб Кореялъул цевехъан Ким Чен Ын электроника гьабулеб заводалда. (AFP)
Сириялъул Эркенаб Армиялъул рагъухъаби Алеппо шагьаралда бугеб гъоркь чIеялда (Reuters)
Бабуин тайпаялъул маймалакалъул тIинчI Скопье шагьаралъул зоопаркалда. (Reuters)
Москваялъул Лужники абулеб стадион. Дунялалъул атлетикаялъул чемпионат рагьиялъул тадбир. (Reuters)
Россиялъул президент Владимир Путинил гьумергун васикIо Лондон бакьулъ букIараб протесталъул акциялда. Гьелъул гIахьалчагIаз гьелдалъун жидерго разилъи гьечIолъи загьирабуна Россиялда гомофобия цIикIкIиналда. (AFP / Andrew Cowie)
«Вацал-бусурбаби» багъа-бачариялъул рахъ ккурал Каиралда гIуцIараб протесталъул акциялда. (Reuters / Amr Abdallah Dalsh)
Апгъанистаналъул Шакар абулеб мухъалда лъим кIанцIиялъул хIасил. ГIага-шагарго 22 чи гIумруялдаса ватIалъана.(Reuters)