11 августалъул сардилъ интернеталда раккана баянал Дагъистаналъул нухмалъулев Рамазан ГIабдулатIиповги нахъе вахъун, гьесул бакIалда Россиялъул президент Владимир Путиница Иляс ГIумаханов толев вугилан. Гьев ккола Дагъистаналдасан Россиялъул Федерациялъул шураялде вищарав вакил. Гьединго цеве гьесул эмен МухIамадсалам ГIумаханов республикаялъул нухмалъулевлъун вукIана.
Гьелда бан республикаялъул нухмалъиялъул рахъалдасан гьабураб лъазаби гьечIо жеги. Амма гьеб нухмалъиялде гIагарал чагIаз ЭР-ялъе я ритIухъ гьабичIо гьеб хабар, я гьереси гьабичIо.
Щайин абуни щиб батаниги, гьал ахирал къоязда цо кинабалиги санагIалъи гьечIолъи бугила ХъахIаб рокъоб лъугьун.
Дагъистаналъул нухмалъулев Халкъияб Мажлисалъ исана 8 сентябралда вищизе вукIаниги, битIун рищиязда цере тIалъиялда хиса-басиял ккезе рукIиналъул харбал хIалуцана 31 июлалдаса хадур.
Гьеб къоялъ жив Россиялъул президент Владимир Путингун дандчIвазе кколин абун букIана хIукуматалъул данделъиялда живго ГIабдулатIиповас. Киналали гIиллабазда бан гьеб дандчIвай ккечIин абурал баянал раккаралго раккана гьел харбалги.
Цо-цо баяназда рекъон, Путинилгун ГIабдулатIиповасул дандчIвай букIун буго, гьес досда бихьун буго 2014-20I8 соналде щвезегIан социалиябгун экономикияб рахъалъ Дагъистан цебетIеялда бан гIуцIараб программаги.
Гьелъие Путиница кинаб къимат кьурабали лъазе кколеб букIун буго 9 августалда. Амма кинабниги официалияб сайталда гьелъул хIакъалъулъ щибниги информация гьечIо.
ГьечIо баян Путинилгун ГIабдулатIиповасул дандчIвай букIиналъул бицарабги.
Гьеб хIужаялда бан гьадинаб пикру буго МухIамад Цези абун республикаялда лъалев жамгIияв хIаракатчиясул.
МухIамад Цези: «Нухмалъиялде вачIаралдаса нахъе ГIабдулатIиповасе квалквалалъе чIарал гIадамал гIемер руго. Жибго гьесул командаги гIуцIун бахъун гьечIо жеги. Информациялъул рахъалъ гьабулеб хIалтIиги хашаб буго.
ГьабсагIаталда Дагъистаналда бугеб ахIвал-хIалалда тIасан «Человек и закон» абураб программаялда дица бицун букIана гьаб чIвай-хъвейги, вахIшилъиги, кьвагьа-гIанхъиги тIадеги гIемерлъизе бугилан.
Щайин абуни ахираб къого соналъ хIалалаб гуреб къагIидаялъ гIадамаз бакIарун буго гIемераб капитал. Гьанже гьеб гьезда данде багъулеб буго.
Гьединлъидал гьединаб ахIвал-хIалалъулъ бацIцIалъи чIезабулеб мехалъ гIемер квалквалал ккола, гьелда данде рагъула щайтIаби.
Гьал къоязда раккарал харбазе гIилла бугищали дида лъаларо.
Амма ГIабдулатIиповас информациялъул иш тIад къарал хъулухъчагIаз рес кьолеб буго гьел харбал раккизе».
ЭР: «Рамазан ГIабдулатIиповги Иляс ГIумахановги дандеккуни, гьезул кинал къваригIун ругел гьабсагIаталда республикаялъе?»
Совет Федерации
МухIамад Цези: «Гьав лъикIав, гьав квешав абун чIванкъотIун абизе кIоларо. Амма дида бичIчIухъе, гIадамазда гьоркьоб кIудияб рейтинг буго ГIабдулатIиповасул. ГIумаханов щивали гIемерисезда лъаларо.
ГIицIго лъалеб жо буго гьесул эмен республикаялъул нухмалъиялда вукIаравлъи.
Гьединлъидал гьал хис-басал къваригIун гьечIо гьабсагIаталда. Гурони жакъа – ГIабдулатIипов, метер – ГIумаханов… Футбол гIадаб жо кколеб буго гурищ?»
ГIадамазда гьоркьобги цо ккураб пикру гьечIо бицен гьабулеб баяналда тIасан.
Амма ахираб заманалда Дагъистаналда лъугьарал хIужаби цин интернеталда гIадатиял харбал хIисабалда раккун, хадур уяллъун лъугьун рукIиналъ, Рамазан ГIабдулатIиповасул бакI унголъунги Иляс ГIумахановас кквезе букIиналда божулел руго цо-цоял.
Рамазан ГIабдулатIиповасул бакI унголъунги Иляс ГIумахановас хисизе бегьулин харбал Дагъистаналъул нухмалъулев Рамазан ГIабдулатIиповги нахъе вахъун, гьесул бакIалда Россиялъул президент Владимир Путиница Иляс ГIумаханов толев вукIиналъул харбал раккидал, Хасавюрталъул гIадамаз лъазабуна жал митингалде рахъине ругин 15 августалда.
ГIабдулатIиповасул рахъкколеб букIин бихьизабизе митинг ХIамидовасул цIаралда бугеб спорталъул кIалгIаялда тIобитIизе бугин хъварал тIанчал седолел руго гьез бакI-бакIазда.
Щайин абуни щиб батаниги, гьал ахирал къоязда цо кинабалиги санагIалъи гьечIолъи бугила ХъахIаб рокъоб лъугьун.
Дагъистаналъул нухмалъулев Халкъияб Мажлисалъ исана 8 сентябралда вищизе вукIаниги, битIун рищиязда цере тIалъиялда хиса-басиял ккезе рукIиналъул харбал хIалуцана 31 июлалдаса хадур.
Гьеб къоялъ жив Россиялъул президент Владимир Путингун дандчIвазе кколин абун букIана хIукуматалъул данделъиялда живго ГIабдулатIиповас. Киналали гIиллабазда бан гьеб дандчIвай ккечIин абурал баянал раккаралго раккана гьел харбалги.
Цо-цо баяназда рекъон, Путинилгун ГIабдулатIиповасул дандчIвай букIун буго, гьес досда бихьун буго 2014-20I8 соналде щвезегIан социалиябгун экономикияб рахъалъ Дагъистан цебетIеялда бан гIуцIараб программаги.
Гьелъие Путиница кинаб къимат кьурабали лъазе кколеб букIун буго 9 августалда. Амма кинабниги официалияб сайталда гьелъул хIакъалъулъ щибниги информация гьечIо.
ГьечIо баян Путинилгун ГIабдулатIиповасул дандчIвай букIиналъул бицарабги.
Гьеб хIужаялда бан гьадинаб пикру буго МухIамад Цези абун республикаялда лъалев жамгIияв хIаракатчиясул.
МухIамад Цези: «Нухмалъиялде вачIаралдаса нахъе ГIабдулатIиповасе квалквалалъе чIарал гIадамал гIемер руго. Жибго гьесул командаги гIуцIун бахъун гьечIо жеги. Информациялъул рахъалъ гьабулеб хIалтIиги хашаб буго.
ГьабсагIаталда Дагъистаналда бугеб ахIвал-хIалалда тIасан «Человек и закон» абураб программаялда дица бицун букIана гьаб чIвай-хъвейги, вахIшилъиги, кьвагьа-гIанхъиги тIадеги гIемерлъизе бугилан.
Щайин абуни ахираб къого соналъ хIалалаб гуреб къагIидаялъ гIадамаз бакIарун буго гIемераб капитал. Гьанже гьеб гьезда данде багъулеб буго.
Гьединлъидал гьединаб ахIвал-хIалалъулъ бацIцIалъи чIезабулеб мехалъ гIемер квалквалал ккола, гьелда данде рагъула щайтIаби.
Гьал къоязда раккарал харбазе гIилла бугищали дида лъаларо.
Амма ГIабдулатIиповас информациялъул иш тIад къарал хъулухъчагIаз рес кьолеб буго гьел харбал раккизе».
ЭР: «Рамазан ГIабдулатIиповги Иляс ГIумахановги дандеккуни, гьезул кинал къваригIун ругел гьабсагIаталда республикаялъе?»
Совет Федерации
МухIамад Цези: «Гьав лъикIав, гьав квешав абун чIванкъотIун абизе кIоларо. Амма дида бичIчIухъе, гIадамазда гьоркьоб кIудияб рейтинг буго ГIабдулатIиповасул. ГIумаханов щивали гIемерисезда лъаларо.
ГIицIго лъалеб жо буго гьесул эмен республикаялъул нухмалъиялда вукIаравлъи.
Гьединлъидал гьал хис-басал къваригIун гьечIо гьабсагIаталда. Гурони жакъа – ГIабдулатIипов, метер – ГIумаханов… Футбол гIадаб жо кколеб буго гурищ?»
ГIадамазда гьоркьобги цо ккураб пикру гьечIо бицен гьабулеб баяналда тIасан.
Амма ахираб заманалда Дагъистаналда лъугьарал хIужаби цин интернеталда гIадатиял харбал хIисабалда раккун, хадур уяллъун лъугьун рукIиналъ, Рамазан ГIабдулатIиповасул бакI унголъунги Иляс ГIумахановас кквезе букIиналда божулел руго цо-цоял.
Рамазан ГIабдулатIиповасул бакI унголъунги Иляс ГIумахановас хисизе бегьулин харбал Дагъистаналъул нухмалъулев Рамазан ГIабдулатIиповги нахъе вахъун, гьесул бакIалда Россиялъул президент Владимир Путиница Иляс ГIумаханов толев вукIиналъул харбал раккидал, Хасавюрталъул гIадамаз лъазабуна жал митингалде рахъине ругин 15 августалда.
ГIабдулатIиповасул рахъкколеб букIин бихьизабизе митинг ХIамидовасул цIаралда бугеб спорталъул кIалгIаялда тIобитIизе бугин хъварал тIанчал седолел руго гьез бакI-бакIазда.