ЦIех-рехчагIигун полициялъулаз ДНК-анализалъе хIацIу кьезе жал тIамулел ругин ахIи-хIур балеб буго инсанасул ихтиярал цIунулез ва цо-цо дагъистанияз. ЦIех-рехалъул комитеталдаса щварал баяназда рекъон, ДНК-анализал тIалаб гьабиялъе гIиллаби руго.
Низам цIунулел идарабазул хIалтIухъабаз жиндие рахIат толеб гьечIилан, бицана Эркенлъи радиоялъе МахIачхъалаялдаса Аминат ГIумаровалъ. Ункъо нухалъ гьелъухъе рачIана исана цIех-рехчагIи, гьединго ГIумаровалъул минаялда жаниб рагъулал идарабазул хIалтIухъабаз чIухьги бана цо нухалъ.
ЦIех-рехалъул комитеталъул хIалтIухъаби жиндихъе 29 июналда рачIанилан бицана Эркенлъи радиоялъе ГIумаровалъ.
Аминат ГIумарова: «Гьез дихъе хасаб кагъат ай повестка кьуна ва абуна гIагарал къоязда дун комитеталде ячIине кколин. Гьение дун ине ккола ДНК-анализалъе хIацIу кьезе. Гьеб кьеялъе гIилла кинаб бугеб гьикъиндал, дол хIалтIухъабаз жаваб кьуна: комитеталде ячIа, гьениб бицина.
Амма гьение ине дун хIинкъун йиго. 2007-леб соналда дир рос Рамазан ГIумаров тIагIана. Полициялъулаз гьев кквезеги ккун МахIачхъалаялъул Совет мухъалъул жанисел ишазул идараялде вачун ана. Гьелдаса хадуб гьев кив вугевали лъаларо».
2012 соналъул 12 июналда Инсанасул ихтияразул рахъалъ Европаялъул диваналъ къотIана ГIумаров Рамазанил гIагаразе Россиялъ компенсация хIисабалда 60 азарго доллар кьезе кколин абураб хIукму.
«Дагъистаналъул улбул» абураб инсанасул ихтиярал цIунулеб гIуцIиялде жиндие кумек гьабеян гIарзагун ун йиго ГIумарова. Гьеб гIуцIиялъул нухмалъулей Светлана ГIисаевалъ бицана Эркенлъи радиоялъе ДНК-анализалъе хIацIу кьезе жийги тIамунин низам цIунулез.
31 маялда ГIисаевалъухъе телефоналдасан кIалъана МахIачхъалаялъул Совет мухъалъул ОВДеялдаса. 2007 соналда гьелъул вас тIагIана – гьесул хIакъалъулъ информация жидехъ бугин абуна полициялъулаз ГIисаевалда.
Гьелдалъун гьей ана гьезухъе. ГIисаевалъ бицаралда рекъон, ОВДялда гьелда абуна гьейгун цIех-рех чагIи кIалъазе кколин ва ОВДялдася гьей ЦIех-рехалъул комитеталде ячана.
Май моцIалда МахIачхъалаялда рукIарал кьвагьиязул хIакъалъулъ гьикъулеб букIана ц1ех-рехалъулаз гьелда. Хадуб абуна анализалъе хIацIу кьейилан.
Гьеб кьун хадуб гурони гьез жий нахъе йичачIин бицана ГIисаевалъ. Прокуратураялде гIарза хъвазе илан унехъин йикIун йиго гьей, амма хъизаналъул тIалабал тIуралаго хутIун йиго.
РакIалде щвезабила, 25 маялда МахIачхъалаялда бугеб Ленинил къватIалда жийго жинцаго кьвагьизаюна Мадина ГIалиевалъ. Гьеб теракталда кIиго чи хвана, 15 чи лъукъана. 20 маялда Диваналъул приставазул минаялда аскIоб тIатIала кIиго кьвагьи бахъана. Гьел кьвагьиязул хIакъалъулъ гьикъулеб букIана ГIисаевалда цIех-рехалъулаз.
ДНК-анализалъе хIацIу кьезе тIамун руго Буйнакск мухъалдаги. Гьениб гIумру гьабулел 23 чияс кьунин анализал илан бицана Эркенлъи радиоялъе Зарема Багьавдиновалъ. Гьей йиго «Правозащита» гIуцIиялъул вакил. Гьелъул рагIабазда рекъон, анализал кьезе тIамулел руго изну гьечIого яргъид гIуцIаразде гъорлъ унезул гIагарал – улбул, яцал, вацал, имгIалзаби.
Гьединго гьел анализал кьезе тIамулел руго хасал операциязда чIварал изну гьечIого яргъид гIуцIаразде гъорлъ унезул къоролзабиги. Анализал кьечIони рахIат тезе гьечIилан хIинкъизарулел руго гьел илан, бицана Багьавдиновалъ.
ЦIех-рехалъул комитеталъул пресс-секретарь Расул Темирбековас абуна Эркенлъи радиоялъе ДНК-анализал къваригIун ругин терроралъулал таксъирал рагьиялъе гIоло илан. Гьес абуралда рекъон, чанги такъсирал руго рагьичIого хутIун.
Масала, хасал операциязда чIварал изну гьечIого яргъид гIуцIаразде гъорлъе унезул жаназаби лъилали лъалъел гьечIо, ратIа рахъине кIолеб гьечIо. Гьелдалъун ДНК-анализал чара гьечIого къваригIун ругилан, бицана Темирбековас.
Изну гьечIого яргъид гIуцIаразде гъорлъе унезул гIагарал ДНК-анализал кьезе тIами къануналда рекъараб гурилан абуна Эркенлъи радиоялъе дагъистаналдаса адвокат Расул Къадиевас.
Расул Къадиев: «Щиб гIилладалъун гьел чагIи анализал кьезе тIамулел рукIаниги, цIех-рех чагIазухъ кодор рукIине ккола диваналъ къотIарал хасал хIукмаби. Гьелги гьечIого анализал кьезе тIами къануналда рекъараблъун кколаро. Гьел анализал кьечIого чIезе бегьула гIадамал».
Гьединго Къадиевас абуна хIинкъаби кьолел ратани, гьел гIадамаз гIарзаби хъвазе кколин прокуратураялде. ГIарзабаз батIаго кумек гьабилин ракI чIун гьечIин жиндир илан абуна инсанасул ихтиярал цIунулей ГIисаевалъ.
ЦIех-рехалъул комитеталъул хIалтIухъаби жиндихъе 29 июналда рачIанилан бицана Эркенлъи радиоялъе ГIумаровалъ.
Аминат ГIумарова: «Гьез дихъе хасаб кагъат ай повестка кьуна ва абуна гIагарал къоязда дун комитеталде ячIине кколин. Гьение дун ине ккола ДНК-анализалъе хIацIу кьезе. Гьеб кьеялъе гIилла кинаб бугеб гьикъиндал, дол хIалтIухъабаз жаваб кьуна: комитеталде ячIа, гьениб бицина.
Амма гьение ине дун хIинкъун йиго. 2007-леб соналда дир рос Рамазан ГIумаров тIагIана. Полициялъулаз гьев кквезеги ккун МахIачхъалаялъул Совет мухъалъул жанисел ишазул идараялде вачун ана. Гьелдаса хадуб гьев кив вугевали лъаларо».
2012 соналъул 12 июналда Инсанасул ихтияразул рахъалъ Европаялъул диваналъ къотIана ГIумаров Рамазанил гIагаразе Россиялъ компенсация хIисабалда 60 азарго доллар кьезе кколин абураб хIукму.
«Дагъистаналъул улбул» абураб инсанасул ихтиярал цIунулеб гIуцIиялде жиндие кумек гьабеян гIарзагун ун йиго ГIумарова. Гьеб гIуцIиялъул нухмалъулей Светлана ГIисаевалъ бицана Эркенлъи радиоялъе ДНК-анализалъе хIацIу кьезе жийги тIамунин низам цIунулез.
31 маялда ГIисаевалъухъе телефоналдасан кIалъана МахIачхъалаялъул Совет мухъалъул ОВДеялдаса. 2007 соналда гьелъул вас тIагIана – гьесул хIакъалъулъ информация жидехъ бугин абуна полициялъулаз ГIисаевалда.
Гьелдалъун гьей ана гьезухъе. ГIисаевалъ бицаралда рекъон, ОВДялда гьелда абуна гьейгун цIех-рех чагIи кIалъазе кколин ва ОВДялдася гьей ЦIех-рехалъул комитеталде ячана.
Май моцIалда МахIачхъалаялда рукIарал кьвагьиязул хIакъалъулъ гьикъулеб букIана ц1ех-рехалъулаз гьелда. Хадуб абуна анализалъе хIацIу кьейилан.
Гьеб кьун хадуб гурони гьез жий нахъе йичачIин бицана ГIисаевалъ. Прокуратураялде гIарза хъвазе илан унехъин йикIун йиго гьей, амма хъизаналъул тIалабал тIуралаго хутIун йиго.
РакIалде щвезабила, 25 маялда МахIачхъалаялда бугеб Ленинил къватIалда жийго жинцаго кьвагьизаюна Мадина ГIалиевалъ. Гьеб теракталда кIиго чи хвана, 15 чи лъукъана. 20 маялда Диваналъул приставазул минаялда аскIоб тIатIала кIиго кьвагьи бахъана. Гьел кьвагьиязул хIакъалъулъ гьикъулеб букIана ГIисаевалда цIех-рехалъулаз.
ДНК-анализалъе хIацIу кьезе тIамун руго Буйнакск мухъалдаги. Гьениб гIумру гьабулел 23 чияс кьунин анализал илан бицана Эркенлъи радиоялъе Зарема Багьавдиновалъ. Гьей йиго «Правозащита» гIуцIиялъул вакил. Гьелъул рагIабазда рекъон, анализал кьезе тIамулел руго изну гьечIого яргъид гIуцIаразде гъорлъ унезул гIагарал – улбул, яцал, вацал, имгIалзаби.
Гьединго гьел анализал кьезе тIамулел руго хасал операциязда чIварал изну гьечIого яргъид гIуцIаразде гъорлъ унезул къоролзабиги. Анализал кьечIони рахIат тезе гьечIилан хIинкъизарулел руго гьел илан, бицана Багьавдиновалъ.
ЦIех-рехалъул комитеталъул пресс-секретарь Расул Темирбековас абуна Эркенлъи радиоялъе ДНК-анализал къваригIун ругин терроралъулал таксъирал рагьиялъе гIоло илан. Гьес абуралда рекъон, чанги такъсирал руго рагьичIого хутIун.
Масала, хасал операциязда чIварал изну гьечIого яргъид гIуцIаразде гъорлъе унезул жаназаби лъилали лъалъел гьечIо, ратIа рахъине кIолеб гьечIо. Гьелдалъун ДНК-анализал чара гьечIого къваригIун ругилан, бицана Темирбековас.
Изну гьечIого яргъид гIуцIаразде гъорлъе унезул гIагарал ДНК-анализал кьезе тIами къануналда рекъараб гурилан абуна Эркенлъи радиоялъе дагъистаналдаса адвокат Расул Къадиевас.
Расул Къадиев: «Щиб гIилладалъун гьел чагIи анализал кьезе тIамулел рукIаниги, цIех-рех чагIазухъ кодор рукIине ккола диваналъ къотIарал хасал хIукмаби. Гьелги гьечIого анализал кьезе тIами къануналда рекъараблъун кколаро. Гьел анализал кьечIого чIезе бегьула гIадамал».
Гьединго Къадиевас абуна хIинкъаби кьолел ратани, гьел гIадамаз гIарзаби хъвазе кколин прокуратураялде. ГIарзабаз батIаго кумек гьабилин ракI чIун гьечIин жиндир илан абуна инсанасул ихтиярал цIунулей ГIисаевалъ.