Европаялъул Шураялъул Парламентияб ассамблеялъ Швейцариялъул парламенталъул депутат Андреас Гроссида тIадкъан букIана юрист Сергей Магнитский хвеялъул лъидаго бачIеб цIех-рех гьабизе. Талат къоялда гьес къватIибе загьир гьабуна араб ноябралдаса нахъе жинца гьабураб хIалтIул хIасил. Гьесул докладалда абулеб буго 37 сон барав юрист Москваялъул цIех-рехалъул изоляторалда хвеялъул Россиялъул тIалъиялъ кколеб цIех-рех гьабунгутIи «кинго букIине бегьулареб иш» бугин. Магнитскияс рагьун букIана Россиялда «тIадегIанаб даражаялда» букIараб кIудияб коррупционияб схема. Гьев хун вукIана туснахъалъув 2009 соналъул ноябралда.
