МахIачхъалаялъул мэр СагIид Амировасе диван Европаялда гьабизе кколин суал лъолеб буго гьесул ихтиярал цIунулез. Щайин абуни гьесие гIакъуба кьеялъул хIужалъун гьез рикIкIунеб буго захIматго диабеталъги унтарав, бохдулги хIалтIуларев чи туснахъ гьави.
«Известия» газеталъе кьураб баяналда Амировасул адвокат Алхас Казиевас бицунеб буго къваридабго туснахъ-рокъоб Амировасухъа бажарулеб гьечIин къваригIел тIубан, гьединго инсулин даруги гьесие заманалда щолеб гьечIин, гIемер заман ун хадуб гурониян. Гьелда бан хасал хъулухъаз лъазабун букIана жидеца Амировасе тохтур вихьизавун вугилан. Амма Алхас Казиевас абулеб буго гьеб гьереси бугилан.
МахIачхъалаялъул мэрасе диван Страсбургалда гьабеян суал лъей мекъаблъун бихьулеб буго жамгIияв хIаракатчи Къебедов МухIамадида.
Къебедов МухIамад: «Европаялъул диваналде гIарза кьезе бегьула, щивасул буго гьединаб пикру. Амма гьенире иналде цебе цин Россиялъул диваналъ хIукму къотIун букIине ккола. Гьанир киналго идарабазде щун хадуб гурони, доз гIарза къабул гьабуларо.
Гьединлъидал гьелъие щибгIаги кьучI гьечIо. Масала, дица гIарза кьезе ккола дица гIумру гьабулеб мухъалъул диваналде, хадуб – ТIадегIанаб Диваналде. Гьенисан щвараб жавабги хIисабалде босун кьезе ккола Страсбургалде гIарзаги».
Гьал къоязда раккана СагIид Амиров эркен гьавеян «Единая Россия» партиялъул Дагъистаналда бугеб вакиллъиялъ Кремлалде президент Путинихъе гIарза хъваялъул баянал. Гьединалго хитIабал рукIана Олимпиялъул чемпионазул рахъалдасанги, Халкъияб Мажлисалъул депутатазул рахъалдасанги.
Амма хадурго раккана гьел хитIабаздехун жидер гIахьаллъи гьечIолъи бихьизабурал баяналги. Масала, "Единая Россия" партиялъул Дагъистаналда бугеб вакиллъиялъ тIибитIизабуна гьадинаб магIнаялъул баян.
«СагIид Амиров цIунун МахIачхъалаялда бугеб нижер партиялъул вакиллъиялъул рахъалдасан хъвараб гIарзаялъулги Единая Россия партиялъулги кинабгIаги бухьен гьечIо. Гьеб хитIабалъ загьир гьабуларо нижер партиялъул пикру, щайин абуни гьеб хъван буго хасаб тартибги цIуничIого. Гьелда гъоркь гьечIо нижер партиялъул цониги вакиласул гъулбас, гIицIго Перзият БахIандовалъул гурони. Гьейги Амировасул гIагарай гIадан ккола».
Амма гьел хитIабал хIакъикъиял ругин бицана Эркенлъи Радиоялъе МахIачхъалаялъул мэриялъул пресс-секретарь МуртазагIали МуртазагIалиевас.
МуртузагIали МуртазагIалиев: «Руго цо-цо чагIи гьенир рехсечIого хутIарал, яги жидеца гъулбасал лъечIел, гьединлъидал гьел ахIдезе лъугьунел руго гьединал хитIабал гьарун рукIинчIилан. «Единая Россиялъ» гьабураб хитIабалъул оригиналги буго нижехъ, спортсменазул гъулбасалги руго, Халкъияб Мажлисалъул 36 депутатасул гъулбасалги руго».
«Единая Россиялъул» цIаралдасан Амиров цIунун гьеб хитIаб баккиялъе гIилла буго гьев гьеб партиялъул секретарь вукIин. Амиров ккун нахъисел къоязго Москваялда бугеб «Единая Россиялъул» нухмалъиялъ гьоркьоб лъун букIана Дагъистаналда единороссазда гьоркьор ругел гIадамазул хал гьабиялъул суал.
Щайин абуни, дагьалъ цевегIан МахIачхъалаялда аскIоб бугеб Семендералда хасаб операциялъулъги чIвана «Единая Россиялъул» вакил. Изну гьечIого яргъид гIуцIараздехун хурхен бугин гьесулин лъазабуна низам цIунулез.
Гьелдаса хадуб «Единая Россиялъги» лъазабуна гьев чи 2008 соналдаса нахъе жидер партиялда вукIинчIилан. Кин батаниги, къануналъулгун рагIи данде кколарел чагIи гIемерлъун ругин «Единая Россиялдайин» абураб пикру щулалъулеб буго республикаялда.
Туснахъ гьавун Москваялде вачиналде кIиго анкьалъ цебе СагIид Амировасда тIасан диваналде гIарза хъван букIана дов цевехун бицен гьабурав Къебедов МухIамадица.
Амма гьанже гьеб нахъе босизе ккун буго, Амиров жанив тIамиялда бан. МахIачхъалаялда аскIоб бугеб Ленинкент росулъ ракьул къотIел чанго чиясе бичун батун букIун буго. Гьединал хIужаби гIезегIан руго республикаялъул тахшагьаралда.
Къебедов МухIамад: «Цере ккара-ккарал жал гьарулел рукIана, щайгурелъул лъицаниги гIинтIамулеб букIинчIого. Цоясе ракь буго, цинги документалги цогидабги хIадурун бахъиндал, гьениса жидеего жо щун батилароха, гьеб ракь бичизе цебеккун гьабураб хIукму мекъаблъун рикIкIун буго…
Дица мэрасда тIасан гIарза хъвайдал, гIажаиблъун хутIун рукIана гIемерисел. Гьезда кколеб буго жалго гIаин цогидалги хIинкъулин гьесукьаян».
«Известия» газеталъе Амировасул адвокат Алхас Казиевас бицунеб буго гьанже гьесул гIагарлъиялъеги хIалтIуе квалквал гьабулеб бугин, жалго нахъе ани лъикIин бичIчIизабулеб бугин гьезда.
Гьединаб баяналда хурхун жаваб кьун букIана гьал къоязда республикаялъул телевидениялда букIараб пресс-конференциялда Дагъистаналъул нухмалъулев Рамазан ГIабдулатIиповасги.
Рамазан ГIабдулатIипов: «Иш гIедегIизабизе бокьун гьечIо дие. Мэриялда ругелщинал киналго чагIи хисеян абулеб букIана дида. Амма дица кинабго гьабула гIодовиччан, киналго рахъалги хIисабалде росун. Мэрасул хъулухъалдаса нахъе гьев рехеян диваналъ хIукму гьабуни, нижецаги гьарилаха тадбирал».
МахIачхъалаялъул мэрасе диван Страсбургалда гьабеян суал лъей мекъаблъун бихьулеб буго жамгIияв хIаракатчи Къебедов МухIамадида.
Къебедов МухIамад: «Европаялъул диваналде гIарза кьезе бегьула, щивасул буго гьединаб пикру. Амма гьенире иналде цебе цин Россиялъул диваналъ хIукму къотIун букIине ккола. Гьанир киналго идарабазде щун хадуб гурони, доз гIарза къабул гьабуларо.
Гьединлъидал гьелъие щибгIаги кьучI гьечIо. Масала, дица гIарза кьезе ккола дица гIумру гьабулеб мухъалъул диваналде, хадуб – ТIадегIанаб Диваналде. Гьенисан щвараб жавабги хIисабалде босун кьезе ккола Страсбургалде гIарзаги».
Гьал къоязда раккана СагIид Амиров эркен гьавеян «Единая Россия» партиялъул Дагъистаналда бугеб вакиллъиялъ Кремлалде президент Путинихъе гIарза хъваялъул баянал. Гьединалго хитIабал рукIана Олимпиялъул чемпионазул рахъалдасанги, Халкъияб Мажлисалъул депутатазул рахъалдасанги.
Амма хадурго раккана гьел хитIабаздехун жидер гIахьаллъи гьечIолъи бихьизабурал баяналги. Масала, "Единая Россия" партиялъул Дагъистаналда бугеб вакиллъиялъ тIибитIизабуна гьадинаб магIнаялъул баян.
«СагIид Амиров цIунун МахIачхъалаялда бугеб нижер партиялъул вакиллъиялъул рахъалдасан хъвараб гIарзаялъулги Единая Россия партиялъулги кинабгIаги бухьен гьечIо. Гьеб хитIабалъ загьир гьабуларо нижер партиялъул пикру, щайин абуни гьеб хъван буго хасаб тартибги цIуничIого. Гьелда гъоркь гьечIо нижер партиялъул цониги вакиласул гъулбас, гIицIго Перзият БахIандовалъул гурони. Гьейги Амировасул гIагарай гIадан ккола».
Амма гьел хитIабал хIакъикъиял ругин бицана Эркенлъи Радиоялъе МахIачхъалаялъул мэриялъул пресс-секретарь МуртазагIали МуртазагIалиевас.
МуртузагIали МуртазагIалиев: «Руго цо-цо чагIи гьенир рехсечIого хутIарал, яги жидеца гъулбасал лъечIел, гьединлъидал гьел ахIдезе лъугьунел руго гьединал хитIабал гьарун рукIинчIилан. «Единая Россиялъ» гьабураб хитIабалъул оригиналги буго нижехъ, спортсменазул гъулбасалги руго, Халкъияб Мажлисалъул 36 депутатасул гъулбасалги руго».
«Единая Россиялъул» цIаралдасан Амиров цIунун гьеб хитIаб баккиялъе гIилла буго гьев гьеб партиялъул секретарь вукIин. Амиров ккун нахъисел къоязго Москваялда бугеб «Единая Россиялъул» нухмалъиялъ гьоркьоб лъун букIана Дагъистаналда единороссазда гьоркьор ругел гIадамазул хал гьабиялъул суал.
Щайин абуни, дагьалъ цевегIан МахIачхъалаялда аскIоб бугеб Семендералда хасаб операциялъулъги чIвана «Единая Россиялъул» вакил. Изну гьечIого яргъид гIуцIараздехун хурхен бугин гьесулин лъазабуна низам цIунулез.
Гьелдаса хадуб «Единая Россиялъги» лъазабуна гьев чи 2008 соналдаса нахъе жидер партиялда вукIинчIилан. Кин батаниги, къануналъулгун рагIи данде кколарел чагIи гIемерлъун ругин «Единая Россиялдайин» абураб пикру щулалъулеб буго республикаялда.
Туснахъ гьавун Москваялде вачиналде кIиго анкьалъ цебе СагIид Амировасда тIасан диваналде гIарза хъван букIана дов цевехун бицен гьабурав Къебедов МухIамадица.
Амма гьанже гьеб нахъе босизе ккун буго, Амиров жанив тIамиялда бан. МахIачхъалаялда аскIоб бугеб Ленинкент росулъ ракьул къотIел чанго чиясе бичун батун букIун буго. Гьединал хIужаби гIезегIан руго республикаялъул тахшагьаралда.
Къебедов МухIамад: «Цере ккара-ккарал жал гьарулел рукIана, щайгурелъул лъицаниги гIинтIамулеб букIинчIого. Цоясе ракь буго, цинги документалги цогидабги хIадурун бахъиндал, гьениса жидеего жо щун батилароха, гьеб ракь бичизе цебеккун гьабураб хIукму мекъаблъун рикIкIун буго…
Дица мэрасда тIасан гIарза хъвайдал, гIажаиблъун хутIун рукIана гIемерисел. Гьезда кколеб буго жалго гIаин цогидалги хIинкъулин гьесукьаян».
«Известия» газеталъе Амировасул адвокат Алхас Казиевас бицунеб буго гьанже гьесул гIагарлъиялъеги хIалтIуе квалквал гьабулеб бугин, жалго нахъе ани лъикIин бичIчIизабулеб бугин гьезда.
Гьединаб баяналда хурхун жаваб кьун букIана гьал къоязда республикаялъул телевидениялда букIараб пресс-конференциялда Дагъистаналъул нухмалъулев Рамазан ГIабдулатIиповасги.
Рамазан ГIабдулатIипов: «Иш гIедегIизабизе бокьун гьечIо дие. Мэриялда ругелщинал киналго чагIи хисеян абулеб букIана дида. Амма дица кинабго гьабула гIодовиччан, киналго рахъалги хIисабалде росун. Мэрасул хъулухъалдаса нахъе гьев рехеян диваналъ хIукму гьабуни, нижецаги гьарилаха тадбирал».