«Левада-централъ» инкар гьабулеб буго къватΙисан гΙарцил кумекалдаса.
Гьелъул хΙакъалъулъ лъазабуна «Ведомости» газеталъе интервью кьолаго, гΙуцΙиялъул бутΙаялъул нухмалъулев Денис Волковас. Гьединаб хΙукму гьабун буго, маялъул бакьулъ, «къватΙисел улкабазул агент» хΙисабалда регистарция прокуратураялъ тΙалаб гьабун хадуб.
Волковасул рагΙабазда, къватΙисел пачалихъазадаса грантаздаса инкар гьабун, чΙезабизе ккун буго москваялъулазул политикияб хьулазул ва гражданияб жамгΙияталъул цΙех-рех гьабиялда хурхараб кΙиго проект.
АрбагΙ къоялда Костромаялда 300 азарго гъурщил гΙакΙа лъуна ЖамгΙиял инициативазе квербакъи гьабиялъул центарлда, «къватΙисел улкабазул агентазул» къанун хвезабиялъул гΙайибги гΙунтΙизабун. Централъул бетΙер Александр Замаряновасдаса бахъулеб буго Ι00-азарго гъурущ.
Гьеб ккола гьединаб кΙиабилеб хΙужжа. Гьеб къануналъул тΙоцебесеб къурбанлъун бахъана «Голос» абураб ассоциация.
Гьелъул хΙакъалъулъ лъазабуна «Ведомости» газеталъе интервью кьолаго, гΙуцΙиялъул бутΙаялъул нухмалъулев Денис Волковас. Гьединаб хΙукму гьабун буго, маялъул бакьулъ, «къватΙисел улкабазул агент» хΙисабалда регистарция прокуратураялъ тΙалаб гьабун хадуб.
Волковасул рагΙабазда, къватΙисел пачалихъазадаса грантаздаса инкар гьабун, чΙезабизе ккун буго москваялъулазул политикияб хьулазул ва гражданияб жамгΙияталъул цΙех-рех гьабиялда хурхараб кΙиго проект.
АрбагΙ къоялда Костромаялда 300 азарго гъурщил гΙакΙа лъуна ЖамгΙиял инициативазе квербакъи гьабиялъул центарлда, «къватΙисел улкабазул агентазул» къанун хвезабиялъул гΙайибги гΙунтΙизабун. Централъул бетΙер Александр Замаряновасдаса бахъулеб буго Ι00-азарго гъурущ.
Гьеб ккола гьединаб кΙиабилеб хΙужжа. Гьеб къануналъул тΙоцебесеб къурбанлъун бахъана «Голос» абураб ассоциация.