20 май Дагъистаналда лъугьа-бахъиназдалъун бечедаб букIана.
Байбихьи лъуна Гъаякент мухъалъул Башлыкент росдал 24 минаялъубе лъим кIанцIиялдасан. Гьелъие гIиллалъун ккана гьал ахирал къоязда Дагъистанада рарал чваххунцIадаца росдада аскIоб бугеб лъим цIунараб бакIалъуб жаниб лъим гIемерлъун гьеб тIасан кIанцIи.
96 чияс гIумру гьабун бугел гьел минабахъ 20 сантиметралде бахараб лъим чIун букIана, росулъ газги, токги къотIинабун букIана.
Гьебго лъим цIунулеб бакIалдасан тIасан кIанцIараб лъеца хвезабун буго Башлычай гIурудасан тIасан бугеб кьо.
Гьенисан автотранспорт хьвадун бажарулеб хIал гьечIо. Дагъистаналъул гIорхъолъа арал ахIвал-хIалазул министерлъиялъул баяназда рекъон 20 маялъул къадиялде жанибе лъим кIанцIарал минабахъа гьеб нахъе ун буго, росулъ киса кибего токги бачIун буго, биххараб кьо къачIан бахъинегIан заманаялъ гIортIасан доре-гьанире хьвазие санагIалъиялъе ресалги ралагьулел руго.
Гьебго итни къоялъул радал гIужги балагьаб хабаралдасан байбихьана. Дагъистаналъул гIорхъолъа-рорчIарал ишазул министерлъиялъул лъазабиялда рекъон Буйнахъск мухъалъул Доргъели росулъ рокъоб газги кьвагьун лъагIел бараб лъимер хун буго, цоги кIиго лъимадуеги гьезул эбелалъеги зарал ккун буго.
ГьабсагIат гьел азарханаялда регизарун руго, тохтурзабазул рагIабазда рекъон гьезул ункъго моцI барай яс цIакъго захIматаб хIалалда йиго.
Гьединго итни къоялъул къалъуде хабар щвана ГIахьвахъ мухъалъул КIаратIа росдал школалда кьвагьи бахъанилан ва гьелъул хIасилалда кIиго лъимадуе зарал кканилан.
Дагъистаналъул ЦIех-рехалъул идараялъул вакиласул рагIабазда рекъон лъимал дарсидеги инчIого жанисан классги рахан гьениб жаниб кьвагьулеб алаталда квал-квадилел рукIун руго.
Расул Темирбеков: «Кьвагьараб жо буго промышеннияб детонатор. Кин гьеб лъималазухъе щварабалиги лъаларо. Физкультураялъул дарсидеги инчIого классалда рукIун руго гьел. Гьениб жидехъго букIараб мобильный телефоналъул батареялда цвизабун буго гьез кьвагьулеб алаталъул кварал, гьебги кьвагьун бугоха.
Зарал ккарал лъимал ккола КIаратIа школалъул 7 классалъул цIалдохъаби КъурамухIамадов МухIамад ва ШугIайбов МухIамад. ГьабсагIат гьел КIаратIа азарханаялда регизарун руго, гьезул гIумруялъе хIинкъи гьечIо. Гьаб сагIат ккараб-таралъул цIех-рех гьабулеб буго, уголовияб иш рагьиялъе баянал данде гьарулел руго», - ян бицана Эркенлъи радиоялъе Дагъистаналъул цIех-рехалъул идараялъул хIалтIухъан Расул Темирбековас.
ГIахьвахъ мухъалъул азарханаялъул бетIер ТурачгIали ХIажиевасул рагIабазда рекъон кьвагьиялъул хIасилалда зарал ккарал лъималазе букIине кколебщинаб кумек гьабулеб буго.
Гьесул рагIабазда рекъон МухIамад КъурамухIамадовасул цояб квералъул килщал рекун руго, тIаса тIомги тIе-тIезабун буо, ШугIайбовасул гьумер дагьабго хвезабун буго.
Балагь жибго бачIунарин абулелъул гьебго къоялъ къад лъабго тIубараб гIадаб заманалда МахIачхъалаялъул Орджоникиндзел цIаралда бугеб къотIноб кIиго кьвагьи бахъана. Цин нухлул рагIалда чIезабураб автомобиль кьвагьун буго гьеб кьвагьиялъул хIасилалда кIиго чиясе заралги ккун буго. Кьвагьи бахъараб бакIалда полициялъул хIалтIухъаби рачIараб мехалда цойги автомобильги кьвагьун буго.
96 чияс гIумру гьабун бугел гьел минабахъ 20 сантиметралде бахараб лъим чIун букIана, росулъ газги, токги къотIинабун букIана.
Гьебго лъим цIунулеб бакIалдасан тIасан кIанцIараб лъеца хвезабун буго Башлычай гIурудасан тIасан бугеб кьо.
Гьенисан автотранспорт хьвадун бажарулеб хIал гьечIо. Дагъистаналъул гIорхъолъа арал ахIвал-хIалазул министерлъиялъул баяназда рекъон 20 маялъул къадиялде жанибе лъим кIанцIарал минабахъа гьеб нахъе ун буго, росулъ киса кибего токги бачIун буго, биххараб кьо къачIан бахъинегIан заманаялъ гIортIасан доре-гьанире хьвазие санагIалъиялъе ресалги ралагьулел руго.
Гьебго итни къоялъул радал гIужги балагьаб хабаралдасан байбихьана. Дагъистаналъул гIорхъолъа-рорчIарал ишазул министерлъиялъул лъазабиялда рекъон Буйнахъск мухъалъул Доргъели росулъ рокъоб газги кьвагьун лъагIел бараб лъимер хун буго, цоги кIиго лъимадуеги гьезул эбелалъеги зарал ккун буго.
ГьабсагIат гьел азарханаялда регизарун руго, тохтурзабазул рагIабазда рекъон гьезул ункъго моцI барай яс цIакъго захIматаб хIалалда йиго.
Гьединго итни къоялъул къалъуде хабар щвана ГIахьвахъ мухъалъул КIаратIа росдал школалда кьвагьи бахъанилан ва гьелъул хIасилалда кIиго лъимадуе зарал кканилан.
Дагъистаналъул ЦIех-рехалъул идараялъул вакиласул рагIабазда рекъон лъимал дарсидеги инчIого жанисан классги рахан гьениб жаниб кьвагьулеб алаталда квал-квадилел рукIун руго.
Расул Темирбеков: «Кьвагьараб жо буго промышеннияб детонатор. Кин гьеб лъималазухъе щварабалиги лъаларо. Физкультураялъул дарсидеги инчIого классалда рукIун руго гьел. Гьениб жидехъго букIараб мобильный телефоналъул батареялда цвизабун буго гьез кьвагьулеб алаталъул кварал, гьебги кьвагьун бугоха.
Зарал ккарал лъимал ккола КIаратIа школалъул 7 классалъул цIалдохъаби КъурамухIамадов МухIамад ва ШугIайбов МухIамад. ГьабсагIат гьел КIаратIа азарханаялда регизарун руго, гьезул гIумруялъе хIинкъи гьечIо. Гьаб сагIат ккараб-таралъул цIех-рех гьабулеб буго, уголовияб иш рагьиялъе баянал данде гьарулел руго», - ян бицана Эркенлъи радиоялъе Дагъистаналъул цIех-рехалъул идараялъул хIалтIухъан Расул Темирбековас.
ГIахьвахъ мухъалъул азарханаялъул бетIер ТурачгIали ХIажиевасул рагIабазда рекъон кьвагьиялъул хIасилалда зарал ккарал лъималазе букIине кколебщинаб кумек гьабулеб буго.
Гьесул рагIабазда рекъон МухIамад КъурамухIамадовасул цояб квералъул килщал рекун руго, тIаса тIомги тIе-тIезабун буо, ШугIайбовасул гьумер дагьабго хвезабун буго.
Балагь жибго бачIунарин абулелъул гьебго къоялъ къад лъабго тIубараб гIадаб заманалда МахIачхъалаялъул Орджоникиндзел цIаралда бугеб къотIноб кIиго кьвагьи бахъана. Цин нухлул рагIалда чIезабураб автомобиль кьвагьун буго гьеб кьвагьиялъул хIасилалда кIиго чиясе заралги ккун буго. Кьвагьи бахъараб бакIалда полициялъул хIалтIухъаби рачIараб мехалда цойги автомобильги кьвагьун буго.