Дагъистаналъул инсанасул ихтияралцIунулез ахIи балеб буго Буйнакскалда «Хвалил эскадрон» «хIалтIизе» лъугьун бугилан. Гьез «рохьилазулгун» хурхен бугел ва гьезул г1агарлъи х1инкъизабулеб бугилан.
Ихтиярал цIунулеб «Правозащита» идараялъул вакил Фатима Тарасовалъ бицухъе исана апрелалда Буйнакскалда инзнугьечIого яргъидгIуцIаразул гIагарлъиялъул азбаразде рехун ратун руго, жидеда нужеца гьабулеб чамгIаллъиги, хъамалчилъиги, щибго гIайиб гьечIел чагIи чIвайги чIалгIанин, нужеца гьеб чорокаб иш течIони жидецаги нужер гIагаралгун божарал чIвазе ругин, минаби рухIизе ругин, магIишат щущазабизе бугин хъварал кагътал.
Фатима Тарасова: «Гьеб кагътида гьединго буго, «Хвалил эскадроналъул» пикруялда рекъон «рохьилазул» кьерулъ ругел ва гьезие кумек гьабулезул сияхIги. Гьезул цо-цоял чIванги руго. I7 апрелалда щалали лъаларел чагIаз викъун ана, «чIегIераб сияхIалде» Шамиль Крупешиланги хъван восун вугев Буйнакскалдаса Шамиль МухIамаевасул вац МухIамад. Нахъисеб къоялъ бухIараб, рукьбиги рек-рекараб гьесул жаназа батана кьвагьизабураб автомобилалда жаниб. 2I апрелалда гьебго сияхIалда вугев ГIиса Опытная станция абун хъван вугев ГIиса Къадировасул эбелалъул азбаралъубе рехана кьвагьулеб алат. Гьелъул рагIабазда рекъон полициялъулаз гьелъухъа лъугьараб-таралда тIасан хъвараб гIарза босун гьечIо. ЧIварал полициялъулазул гIагарлъиялъ рецIел босулеб бугин нужедасайиланги абун тун йиго гьей херай гIадан».
Гьединго Тарасовалъ бицана гьелдалъун Салафиязде гьарулел гьужумал лъугIичIин. 24 апрелалда Буйнакскалда бугеб цIияб салафиязул кIудияб мажгиталъул кIалтIа лъун батанин кьвагьулеб алат. Кьвагьилалде гьеб нахъе босун бажарун буго. Гьелда тIадеги 30 апрелалда МахIачхъалаялда жиндирго рукъалда цебе лъукъун вуго спортсмен МухIамад Сулейманов.
Фатима Тарасова: «Рокъове тIаде вахунев вукIарав МухIамадиде номерал гьечIеб хъахIаб «Приора» машинаялъусан кьвагьдана маскаби тIадхурал чагIи. Гьесул талихI ккана живго чорхолъ витIарав, лъикI лъадарараб черх бугев чи вукIин, гьедин микьго гуллаги чорхолъ букIахъе гьев тIурун ворчIун вуго, гурони гьевги чIаго хутIилароан. ГьабсагIат азарханаялда вегун вуго гьев, гIезегIан захIматал ругъналги руго, гьуърулъ щун буго гьесда цо гулла. Гьеб такъсиралъул нугIзазул рагIабазда рекъон МухIамадиде кьвагьдолеб мехалда азбаралъур рукIун руго гIемерал лъимал, гьединго цIикIкIараб гIелалъул гIадамалги, амма сундухъго гIинтIамичIого, лъихъниги балагьичIого гьелщинал чагIазда цебе речIчIун буго гьез. ТIаде гIадамал ракIаризе лъугьиндал гIедегIун ун руго, тIурун унаго машинацин чухIун буго гьезул».
Тарасовалъ бицухъе гьел такъсиразул хIакъалъул кибниги хъвалеб ва бицунеб гьечIо. ГIадамал хIинкъулел руго Инсанасул ихтиярал цIунулел идарабазде гIарзаби хъвазе.
Фатима Тарасова«Цере инсанасул ихтиярал цIунулезухъегIаги рачIунаан гIадамал жидерго къварилъи бицун, кумек гьарун. Гьанже гIарза хъвазе хIинкъулел руго гьел. Цо дагьаб цебегIан чIварав васасул эбелалда абуна дица гIарза хъвайилан, амма гьелъ инкар гьабуна. ХIинкъулила жий гьеб хъвазе, жидехъе кагъат бачIун бугила кибениги гIарза хъвани дир васасда хадув росги чIвазе вугилан.
Гьединлъидал ахиралда ккарал гьел лъугьа-бахъиназул хIакъалъулъ кибниги информацияб букIинчIо. Жидерго сверулъ ругел чагIазда ругони гьеб гIадамазе бугеб хIинкъиги гьезул къварилъиги цогидазда лъалеб гьечIо. Цере нижехъе гIарзаби рачIарабго нижеца интернеталда батIи-батIиял сайтазда лъолаан гьел баянал, гьедин журналистазухъе щолаан информация, гьез тIибитIизеги гьабулаан»
Дагъистаналда ругел инсанасул ихтияралцIунулезул рагIабазда рекъон гIадамазул некIогоялдаса нахъе къуваталъул идарабазде божилъи хун буго, дагьабниги гьезие кумек гьабулел рукIарал ихтияралцIунелел идарабазде рачIинеги гьел хIинкъулел руго.
Фатима Тарасова: «Гьеб кагътида гьединго буго, «Хвалил эскадроналъул» пикруялда рекъон «рохьилазул» кьерулъ ругел ва гьезие кумек гьабулезул сияхIги. Гьезул цо-цоял чIванги руго. I7 апрелалда щалали лъаларел чагIаз викъун ана, «чIегIераб сияхIалде» Шамиль Крупешиланги хъван восун вугев Буйнакскалдаса Шамиль МухIамаевасул вац МухIамад. Нахъисеб къоялъ бухIараб, рукьбиги рек-рекараб гьесул жаназа батана кьвагьизабураб автомобилалда жаниб. 2I апрелалда гьебго сияхIалда вугев ГIиса Опытная станция абун хъван вугев ГIиса Къадировасул эбелалъул азбаралъубе рехана кьвагьулеб алат. Гьелъул рагIабазда рекъон полициялъулаз гьелъухъа лъугьараб-таралда тIасан хъвараб гIарза босун гьечIо. ЧIварал полициялъулазул гIагарлъиялъ рецIел босулеб бугин нужедасайиланги абун тун йиго гьей херай гIадан».
Гьединго Тарасовалъ бицана гьелдалъун Салафиязде гьарулел гьужумал лъугIичIин. 24 апрелалда Буйнакскалда бугеб цIияб салафиязул кIудияб мажгиталъул кIалтIа лъун батанин кьвагьулеб алат. Кьвагьилалде гьеб нахъе босун бажарун буго. Гьелда тIадеги 30 апрелалда МахIачхъалаялда жиндирго рукъалда цебе лъукъун вуго спортсмен МухIамад Сулейманов.
Фатима Тарасова: «Рокъове тIаде вахунев вукIарав МухIамадиде номерал гьечIеб хъахIаб «Приора» машинаялъусан кьвагьдана маскаби тIадхурал чагIи. Гьесул талихI ккана живго чорхолъ витIарав, лъикI лъадарараб черх бугев чи вукIин, гьедин микьго гуллаги чорхолъ букIахъе гьев тIурун ворчIун вуго, гурони гьевги чIаго хутIилароан. ГьабсагIат азарханаялда вегун вуго гьев, гIезегIан захIматал ругъналги руго, гьуърулъ щун буго гьесда цо гулла. Гьеб такъсиралъул нугIзазул рагIабазда рекъон МухIамадиде кьвагьдолеб мехалда азбаралъур рукIун руго гIемерал лъимал, гьединго цIикIкIараб гIелалъул гIадамалги, амма сундухъго гIинтIамичIого, лъихъниги балагьичIого гьелщинал чагIазда цебе речIчIун буго гьез. ТIаде гIадамал ракIаризе лъугьиндал гIедегIун ун руго, тIурун унаго машинацин чухIун буго гьезул».
Тарасовалъ бицухъе гьел такъсиразул хIакъалъул кибниги хъвалеб ва бицунеб гьечIо. ГIадамал хIинкъулел руго Инсанасул ихтиярал цIунулел идарабазде гIарзаби хъвазе.
Фатима Тарасова«Цере инсанасул ихтиярал цIунулезухъегIаги рачIунаан гIадамал жидерго къварилъи бицун, кумек гьарун. Гьанже гIарза хъвазе хIинкъулел руго гьел. Цо дагьаб цебегIан чIварав васасул эбелалда абуна дица гIарза хъвайилан, амма гьелъ инкар гьабуна. ХIинкъулила жий гьеб хъвазе, жидехъе кагъат бачIун бугила кибениги гIарза хъвани дир васасда хадув росги чIвазе вугилан.
Гьединлъидал ахиралда ккарал гьел лъугьа-бахъиназул хIакъалъулъ кибниги информацияб букIинчIо. Жидерго сверулъ ругел чагIазда ругони гьеб гIадамазе бугеб хIинкъиги гьезул къварилъиги цогидазда лъалеб гьечIо. Цере нижехъе гIарзаби рачIарабго нижеца интернеталда батIи-батIиял сайтазда лъолаан гьел баянал, гьедин журналистазухъе щолаан информация, гьез тIибитIизеги гьабулаан»
Дагъистаналда ругел инсанасул ихтияралцIунулезул рагIабазда рекъон гIадамазул некIогоялдаса нахъе къуваталъул идарабазде божилъи хун буго, дагьабниги гьезие кумек гьабулел рукIарал ихтияралцIунелел идарабазде рачIинеги гьел хIинкъулел руго.