ГIиракъалда кIиго анкьалъ цере тIоритIарал бакIалъул рищиязда ракIчIун бергьун буго нухмалъиялда бугеб премьер Нури Маликил шигIитазул коалиция.
Рищиял тIоритIараб 12 провинциялъул анкьгоялда цIикIкIунисел бакIал щун руго Маликил рахъ кколезе. Амма, гьебго заманалда, цоги партиялгун альянс гIуцIичIого хIукму къабул гьабизе гIураб хIасил цониги провинциялда щун гьечIо гьезие. Багъдадалда 58 мандаталъул 20яб буго Маликил.
«ГIиракъия» абулеб суннитазул динияб гуреб блокалъул бергьенлъи кIудияб букIинчIо гьел рищиязда. Щибаб провинциялда гьезие щун гьечIо лъабгоялдаса цIикIкIун бакIал.
2011 соналда улкаялдаса америкалъул аскарал нахъе ун хадуб тIоритIарал тIоцересел рищиял рукIана гьел 20 апрелалда тIоритIарал рищиял. ШигIитазда, суннитазда ва курдазда гьоркьор рагIирекъонгутIиял цIунун хутIулеб ГIиракъалда тIасияб соналда тIоритIизе руго парламентиял рищиял.
Рищиял тIоритIараб 12 провинциялъул анкьгоялда цIикIкIунисел бакIал щун руго Маликил рахъ кколезе. Амма, гьебго заманалда, цоги партиялгун альянс гIуцIичIого хIукму къабул гьабизе гIураб хIасил цониги провинциялда щун гьечIо гьезие. Багъдадалда 58 мандаталъул 20яб буго Маликил.
«ГIиракъия» абулеб суннитазул динияб гуреб блокалъул бергьенлъи кIудияб букIинчIо гьел рищиязда. Щибаб провинциялда гьезие щун гьечIо лъабгоялдаса цIикIкIун бакIал.
2011 соналда улкаялдаса америкалъул аскарал нахъе ун хадуб тIоритIарал тIоцересел рищиял рукIана гьел 20 апрелалда тIоритIарал рищиял. ШигIитазда, суннитазда ва курдазда гьоркьор рагIирекъонгутIиял цIунун хутIулеб ГIиракъалда тIасияб соналда тIоритIизе руго парламентиял рищиял.