ГьатIан къоялъ Гъизляралда ккана гьадинаб лъугьа-бахъин: Исламалъул байрахъалги тIад рухьараб бертадул чанго автомобильги чIезабун полициялъул хIалтIухъабаз тIалаб гьабуна гьел нахъе рахъеян. Гьелъие гIилла тIалаб гьабизе лъугьарал бертадул гIахьачагIазул чанго чи вухун шагьаралъул цIех рехалъулаб изоляторалъур тIамун руго.
Берталъ рукIарал чагIазул щуго чи вугин гьабсагIат Гъизляралъул цIех-рехалъул изоляторалда жанирилан абураб баян кьуна информ алатаз итни къоялъ, амма хIакъикъаталдаги жанир тIамуразул къадар 25 чи вугилан бицана лъугьа-бахъин ккараб бакIалда вукIарав МахIмудов ХIажимухIамадица.
ЦIунтIа мухъалдаса жамгIияв хIаракатчи ккола. ГьатIан къоялъ ккун буго гьеб хIужа. БахIарайги ячун Гъизляралдаса магIарухъе унел чагIи чIезарун руго гьел низам цIунулез. «Лаилагьа иллалагь, МухIамад Расулуллагь» абурал рагIаби тIад хъвараб чанго байрахъ букIун буго гьазул автомобилалда тIад бухьун. Гьел байрахъал нахъе рахъейин чIун руго гьазда полициялъулал.
Щайин гьел нахъе рахъизе колел, мажгиталъул тIохаздаги, зияратаздаги цогидал гIемерал бакIаздаги чIван рукIунин гьел байрахъал гьезул бугеб къварилъи щибилан чIун вуго ХIажимухIамад. Гурин бегьуларилан кингоги низам цIунулел чIечIеб мехалъ бахъун буго гьез байрахъ нахъе.
Амма иш гьелда къокълъичIого полициялъул хIалтIухъабаз бертадул аватомобилалда рукIаразул цояв довегIанги вачун байбихьун буго теркIезавизе:
МахIмудов ХIажимухIамад: « Байрахъалги нахъе рахъун нижер тIоцебесеб автомобиль багъарулеб мехалъ рачIун полициялъулаз вачун ана цогидаб автомобилалъув вукIарав гIолохъанчи ва гьев цIацIазе байбихьана гьез.
Гьеб мехалъ вацасе кумек гьабизе векерун арай гьесул яц кквезеги ккун гIодой речIчIана полициялъулаз, гьелъ кара-биххинабурав вацги гьесда тIад хурхун ккана тунка-гIуси. Гьеб мехалъ гьесие кумекалъе рортун ана жеги 20 -ниги гIолохъанчи. Квешаб кьаби ккана гьениб».
Гьеб бада-гъудуралда гьоркьоб полициялъулаз кьабун захIматаб хIалалда ругел лъабгоял рагIула гьабсагIатги цIех-рехалъул изоляторалда жанир тIамун. ХажимухIамадица бицунелда рекъон гьезие тохтуразабазул кумекги щун гьечIо жеги.
Бертадул гIахьалчагIаз полициялъул хIалтIухъабазде тIадекIацIи гьабун бугин ва гьелда рекъон уголовниябгун процессуалияб кодексалъул 91 статьялда рекъон гIайиб гIунтIизабулеб бугин гьездейилан бицана Эркенлъи радиоялъе Дагъистаналъул жанисел ишазул министерлъиялъул пресс-хъулхъалъул нухмалъулев хисулей ГIубайдатова Фатинаца.
Бертадул гIахьалчагазухъ аватомобилада чIван рукIарал барахъазда рукIанин экстремизамалъул нухде гIадамал ахIулел игIланалилан рикIкIунеб буго гьелъ:
ГIубайдатова Фатина: «Исламалъул байрахъал рукIинчIо гьел, лъалеб букIахъе экстеримзмалде халкъ ахIулеб рагIаби тIад хъварал байрахъал бегьуларилан абидал полициялде дандечIун руго гьеб гIиллаялдалъун жанирги тIамуна. Гьезда цадахъ гьединго рукIана лъабго чIужугIаданги, гьел рачIинахъего рокъоре риччан тана.
Бертадул аватомобилалда релълъаралги гьел рукIинчIо. Гьеб динияб политикияб суалалде гъорлъе лъугьине дие бокьун гьечIо. Нижеда тIадаб буго гIадлу-низам чIезабизе.
Амма МахIмудов ХIажимухIамад рази гьечIо гьеб баяналда. «Лаилагьа Илаллагь, МухIамад Расулуллагь» абураб рагIабазда жаниб кинаб экстремизмалъулаб магIнайин букIунебилан абулеб буго жамгIияв хIаракатчияс
МахIмудов ХIажимухIамад: «РукIинчIо гьединал хъвай-хъвагIаял байрахъазда. «Лаилагьа Илаллагь, МухIаммад Расулуллагьилан» абурал рагIабазда гъорлъ кинаб экстермизамалъулаб магIна букIунеб, бетIер сверуниш гьел ругел? Ниж гIабдалзабийиш ругел гьединал барахъалги росун бертин тIобитIизе? ГIадамал релъизарулеб хабар щай бицунеб?! Гьел байрахъал рукIана февралалъул микьабилеб къоялъ МахIачхъаялда тIобитIараб митингалдаго рукIарал».
Полициялъул хIалтIухъабаз жидеего гьабураб ракIбакъваялъул хъвараб гIарзагун Дагъистаналъул жанисел ишазул министрасухъе ине ракIалда буго ХIажимухIамадида. Гьединго гьеб лъугьа-бахъиналъул хIакъалъулъ гьес лъазабун буго инсанасул ихтиярал цIунулездаги.
ЦIунтIа мухъалдаса жамгIияв хIаракатчи ккола. ГьатIан къоялъ ккун буго гьеб хIужа. БахIарайги ячун Гъизляралдаса магIарухъе унел чагIи чIезарун руго гьел низам цIунулез. «Лаилагьа иллалагь, МухIамад Расулуллагь» абурал рагIаби тIад хъвараб чанго байрахъ букIун буго гьазул автомобилалда тIад бухьун. Гьел байрахъал нахъе рахъейин чIун руго гьазда полициялъулал.
Щайин гьел нахъе рахъизе колел, мажгиталъул тIохаздаги, зияратаздаги цогидал гIемерал бакIаздаги чIван рукIунин гьел байрахъал гьезул бугеб къварилъи щибилан чIун вуго ХIажимухIамад. Гурин бегьуларилан кингоги низам цIунулел чIечIеб мехалъ бахъун буго гьез байрахъ нахъе.
Амма иш гьелда къокълъичIого полициялъул хIалтIухъабаз бертадул аватомобилалда рукIаразул цояв довегIанги вачун байбихьун буго теркIезавизе:
МахIмудов ХIажимухIамад: « Байрахъалги нахъе рахъун нижер тIоцебесеб автомобиль багъарулеб мехалъ рачIун полициялъулаз вачун ана цогидаб автомобилалъув вукIарав гIолохъанчи ва гьев цIацIазе байбихьана гьез.
Гьеб мехалъ вацасе кумек гьабизе векерун арай гьесул яц кквезеги ккун гIодой речIчIана полициялъулаз, гьелъ кара-биххинабурав вацги гьесда тIад хурхун ккана тунка-гIуси. Гьеб мехалъ гьесие кумекалъе рортун ана жеги 20 -ниги гIолохъанчи. Квешаб кьаби ккана гьениб».
Гьеб бада-гъудуралда гьоркьоб полициялъулаз кьабун захIматаб хIалалда ругел лъабгоял рагIула гьабсагIатги цIех-рехалъул изоляторалда жанир тIамун. ХажимухIамадица бицунелда рекъон гьезие тохтуразабазул кумекги щун гьечIо жеги.
Бертадул гIахьалчагIаз полициялъул хIалтIухъабазде тIадекIацIи гьабун бугин ва гьелда рекъон уголовниябгун процессуалияб кодексалъул 91 статьялда рекъон гIайиб гIунтIизабулеб бугин гьездейилан бицана Эркенлъи радиоялъе Дагъистаналъул жанисел ишазул министерлъиялъул пресс-хъулхъалъул нухмалъулев хисулей ГIубайдатова Фатинаца.
Бертадул гIахьалчагазухъ аватомобилада чIван рукIарал барахъазда рукIанин экстремизамалъул нухде гIадамал ахIулел игIланалилан рикIкIунеб буго гьелъ:
ГIубайдатова Фатина: «Исламалъул байрахъал рукIинчIо гьел, лъалеб букIахъе экстеримзмалде халкъ ахIулеб рагIаби тIад хъварал байрахъал бегьуларилан абидал полициялде дандечIун руго гьеб гIиллаялдалъун жанирги тIамуна. Гьезда цадахъ гьединго рукIана лъабго чIужугIаданги, гьел рачIинахъего рокъоре риччан тана.
Бертадул аватомобилалда релълъаралги гьел рукIинчIо. Гьеб динияб политикияб суалалде гъорлъе лъугьине дие бокьун гьечIо. Нижеда тIадаб буго гIадлу-низам чIезабизе.
Амма МахIмудов ХIажимухIамад рази гьечIо гьеб баяналда. «Лаилагьа Илаллагь, МухIамад Расулуллагь» абураб рагIабазда жаниб кинаб экстремизмалъулаб магIнайин букIунебилан абулеб буго жамгIияв хIаракатчияс
МахIмудов ХIажимухIамад: «РукIинчIо гьединал хъвай-хъвагIаял байрахъазда. «Лаилагьа Илаллагь, МухIаммад Расулуллагьилан» абурал рагIабазда гъорлъ кинаб экстермизамалъулаб магIна букIунеб, бетIер сверуниш гьел ругел? Ниж гIабдалзабийиш ругел гьединал барахъалги росун бертин тIобитIизе? ГIадамал релъизарулеб хабар щай бицунеб?! Гьел байрахъал рукIана февралалъул микьабилеб къоялъ МахIачхъаялда тIобитIараб митингалдаго рукIарал».
Полициялъул хIалтIухъабаз жидеего гьабураб ракIбакъваялъул хъвараб гIарзагун Дагъистаналъул жанисел ишазул министрасухъе ине ракIалда буго ХIажимухIамадида. Гьединго гьеб лъугьа-бахъиналъул хIакъалъулъ гьес лъазабун буго инсанасул ихтиярал цIунулездаги.