Тамерлан Царнаевасул жаназа букъизе Чачаналде бачIинеги рес бугин лъазабуна МахIачхъалаялда журналистазда Царнаевазул эбел-инсул адвокат Заурбег Цадахановасги инсанасул ихтиярал цIунулей Хеда Саратовалъги. Щайин абуни 24 апрелалда интернеталда бакканила Бостоналъул имамас гьукъулеб бугин Тамерлан гьеб шагьаралъул хабалалъ вукъизейин абураб информация. Гьелда бан лъазаби гьабун буго Канадаялда гIумру гьабулей гьезул ункъгIалалъги. Телефоналде ахIун бачIун, гьединго цогидаб къагIидаялдалъун жидее хIинкъаби кьолел ругин, гьединлъидал Канадаялдаса гочине заман щун бихьулин абун буго Царнаевазул ункъгIалалъ. Гьедин гьеб улкаялдаса гочине ккани, вацасул васасул жаназаги босун ине ккелин жал гьениса нахъе.
