Москваялда Новопушкинский абулеб ахикь «болотное ишалда» сверун гIайиб гIунтIизабулезул рахъ ккураб митингалде вакIарун вукIана кIиазарго гIанасев чи.
Эркенлъи Радиоялъул мухбираз лъазабухъе, гIадатиял ораторазде тIадеги гьенир кIалъазе рахъун руго поэт Арс Пегас ва Театр.doc-калъул актёрал. Гьез гьединго бихьизабун бугго «БачIа, их!» абураб спектакльги. Гьеб пьесаялда бихьизабулеб буго «болотное ишалда» сверун унеб диваналъул процесс.
Митингалде ракIараразул аслияб тIалаб букIана Москваялда 6 маялда Болотное майданалда рукIарал гIадлу-биххиязда бан ккурал гIадамал эркен гьари ва гьеб бакIалда къуватазул ишазул цIех-рех гьаби. Гьединго рагIулел рукIана ЦIех-рехалъул комитеталъул бетIер Александр Бастрыкин хIалхьиялде витIи тIалаб гьабулел гьаркьалги.
Политикиял туснахъазул рахъ ккурал акциял гьединго тIоритIана Петербургалда, Белгородалда, Астраханалда, Омскалда ва цоги шагьаразда.
Эркенлъи Радиоялъул мухбираз лъазабухъе, гIадатиял ораторазде тIадеги гьенир кIалъазе рахъун руго поэт Арс Пегас ва Театр.doc-калъул актёрал. Гьез гьединго бихьизабун бугго «БачIа, их!» абураб спектакльги. Гьеб пьесаялда бихьизабулеб буго «болотное ишалда» сверун унеб диваналъул процесс.
Митингалде ракIараразул аслияб тIалаб букIана Москваялда 6 маялда Болотное майданалда рукIарал гIадлу-биххиязда бан ккурал гIадамал эркен гьари ва гьеб бакIалда къуватазул ишазул цIех-рех гьаби. Гьединго рагIулел рукIана ЦIех-рехалъул комитеталъул бетIер Александр Бастрыкин хIалхьиялде витIи тIалаб гьабулел гьаркьалги.
Политикиял туснахъазул рахъ ккурал акциял гьединго тIоритIана Петербургалда, Белгородалда, Астраханалда, Омскалда ва цоги шагьаразда.