Гъалгъаялъ минаялде тIаде ккун вуго лъабго солдат

Гъалгъаялъ жакъа минаялде тIаде ккун лъукъун вуго лъабго солдат. Гьел гIахьаллъулел рукIун руго изну гьечIого яргъидгIуцIарал ралагьиялъул ва кквеялъул операциялда. Лъукъарал азарханаялде щвезарун руго. Гьел баянал кьун руго ЦIех-рехалъул комитеталъул вакилас.
Лъугьа-бахъин ккун буго Сунжа мухъалъул Алкун абулеб росдал сверухълъиялда бугеб рохьоб.