Ватиканалда байбихьун буго Рималъул католикияб килисаялъул цIияв нухмалъулев вищиялъул тадбир. Рималъул папа вищулаго гьаракь кьезе ихтияр бугев 115 кардинал вакIарун Сикстинская капелла абулеб бакIалде. ЦIияв папа вищиялъул процесс тIобитIизе буго кIудияб балъголъиялда. Гьелъул хIасилалъул лъазе рес буго гIицIго капеллаялъул тIалдихъан бачIунеб кIкIуялдасан. ЧIегIераб кIкIуялъ бицуна папа жеги вищун гьечIин, хъахIалъ-вищун вугин. Цевесев папа Бенедикт XVI-билес жиндирго хъулухъ тун букIана февралалъул ахиралда. Гьесие буго 85 сон ва гьев ккана 600 соналда жаниб тахидаса инкар гьабурав тIоцевесев понтифик.
