14 январалда МахIачхъалаялда гьоркьоб лъун букIана журналистал цIуна-къаялъул суал. Гьелъулъ гIахьаллъана Москваялдаса рачIарал Россиялъул журналистазул цолъиялъул вакилзабиги.
Хас гьабун Дагъистаналда гьеб суал гьоркьоб лъеялъе гIиллалъун гьел чагIаз бачунеб буго республикаялда журналистазе хIинкъи цIикIкIун букIин. Гьедин ахираб 10-15 соналда жанир Дагъистаналда чIвана 16 журналист. Ахирисев къурбанлъун лъугьана "Черновик" газеталъул вукIарав бетIергьан Камалов ХIажимурад. ЛъагIел свераниги жеги ратун гьечIо гьев чIварал чагIиги.
Гьединго 13 январалъул къаси кьвагьдон руго "Новое дело" газеталъул журналист АхIмаднабиев АхIмаднабиде. МахIачхъалаялдаса рикIкIад гьечIого бугеб Семендер поселокалда жиндирго минаялда аскIоб чIезабураб гьесул автомобилалде кьвагьун буго дандбитIараб рахъалдасан. Гьеб мехалда АхIмаднабил автомобилалда аскIоб чIезабун букIун буго тIад номералги гьечIеб "Приора". Кьвагьи лъугIун хадуб "Приора" гьениса нахъе анин абулеб буго гьес. Бицен гьабулеб хIужаялда бан цIех-рех байбихьун буго низам цIунулез.
ПалхIасил, гьединал хIужаби гIемерлъулел рукIиналъ Россиялдагицин гуреб, Европаялдаго хIинкъи цIикIкIараб бакIлъун лъугьун бугин Дагъистанилан абураб пикру загьир гьабула республикаялда гIемерисеб мехалда. Гьелда бан гьадин абулеб буго ЭР-ялъе цеве "Новое дело" газеталъул бетIерав редакторлъун вукIарав Маркъо ШагIбановас.
Маркъо ШагIбанов: "Россиялдани Дагъистан рикIкIине бегьула бищунго хIинкъи бугел регионаздаса цояблъун. Амма Европаялдаго журналистазе хIинкъи бугеб бакIлъун гьеб бихьизаби понцIозаби ккола. ХIинкъиги буго, чIвалелги руго. Амма жидерго хайиралъе гIоло гьеб проблема цIакъго кIодо-кIодо гьабун бицунел чагIиги руго".
Халкъазда гьоркьосеб журналистазул федерациялъгун информация тIибитIизабулел алатал цIуниялъул Централъ МахIачхъалаялда лъабго къоялъ тIатIалаго тIобитIизе буго журналистазе цIуна-къай гьабиялда хурхараб тренинг. Амма гьелъ журналистазе кьезе жо гьечIин рикIкIунеб буго Маркъо ШагIбановас.
Маркъо ШагIбанов: "Кин гьез тренингал гьаризехъин ругел, щиб гьез малъизе бугеб? ЧIвазе бокьанани, гIадан гьединги чIвала. Гьединлъидал гьеб жо буго гIадада заман хвезаби. Малъа-хъваял гьаризе бегьула лъим ххазе, яги цогидаб жоялъе... Гьединлъидал гьел тренингазул хIаракатчилъиялъул магIна бихьулеб гьечIо. Гьелъ хIасил кьелин кколаро дида".
Журналист АхIмаднабиевасул цIар рехсон букIана 2009 соналда Дагъистаналда тIиритIизарулел тIанчазда. Гьениб бахъун букIана кинавниги 16 чи рехсараб сияхI. Гьенир рукIана журналистазулги, адвокатазулги, жамгIиял хIаракатчагIазулги цIарал. Гьезда гьоркьоса чIвана "Черновикалъул" бетIергьан Камалов ХIажимурад. Гьел тIанчазда хъвалеб букIана нуж ругин хъачагъазул рахъкколел чагIи, жидеца нужедаса рецIел босизе бугин хъачагъаз чIварал жидер гIагарлъиялъухъ – полициялъул хIалтIухъабазухъ. Гьединго абулеб букIана Дагъистаналъул тIалъиялъухъа бажарулеб гьечIин экстремизмалде дандечIезе. Щайгурелъул ришват босулел диванчагIаз щолеб-толеб жоялъухъ эркен гьарулел ругин низам цIунулез туснахъ гьарурал хъачагъал.
Гьединго 13 январалъул къаси кьвагьдон руго "Новое дело" газеталъул журналист АхIмаднабиев АхIмаднабиде. МахIачхъалаялдаса рикIкIад гьечIого бугеб Семендер поселокалда жиндирго минаялда аскIоб чIезабураб гьесул автомобилалде кьвагьун буго дандбитIараб рахъалдасан. Гьеб мехалда АхIмаднабил автомобилалда аскIоб чIезабун букIун буго тIад номералги гьечIеб "Приора". Кьвагьи лъугIун хадуб "Приора" гьениса нахъе анин абулеб буго гьес. Бицен гьабулеб хIужаялда бан цIех-рех байбихьун буго низам цIунулез.
ПалхIасил, гьединал хIужаби гIемерлъулел рукIиналъ Россиялдагицин гуреб, Европаялдаго хIинкъи цIикIкIараб бакIлъун лъугьун бугин Дагъистанилан абураб пикру загьир гьабула республикаялда гIемерисеб мехалда. Гьелда бан гьадин абулеб буго ЭР-ялъе цеве "Новое дело" газеталъул бетIерав редакторлъун вукIарав Маркъо ШагIбановас.
Маркъо ШагIбанов: "Россиялдани Дагъистан рикIкIине бегьула бищунго хIинкъи бугел регионаздаса цояблъун. Амма Европаялдаго журналистазе хIинкъи бугеб бакIлъун гьеб бихьизаби понцIозаби ккола. ХIинкъиги буго, чIвалелги руго. Амма жидерго хайиралъе гIоло гьеб проблема цIакъго кIодо-кIодо гьабун бицунел чагIиги руго".
Халкъазда гьоркьосеб журналистазул федерациялъгун информация тIибитIизабулел алатал цIуниялъул Централъ МахIачхъалаялда лъабго къоялъ тIатIалаго тIобитIизе буго журналистазе цIуна-къай гьабиялда хурхараб тренинг. Амма гьелъ журналистазе кьезе жо гьечIин рикIкIунеб буго Маркъо ШагIбановас.
Маркъо ШагIбанов: "Кин гьез тренингал гьаризехъин ругел, щиб гьез малъизе бугеб? ЧIвазе бокьанани, гIадан гьединги чIвала. Гьединлъидал гьеб жо буго гIадада заман хвезаби. Малъа-хъваял гьаризе бегьула лъим ххазе, яги цогидаб жоялъе... Гьединлъидал гьел тренингазул хIаракатчилъиялъул магIна бихьулеб гьечIо. Гьелъ хIасил кьелин кколаро дида".
Журналист АхIмаднабиевасул цIар рехсон букIана 2009 соналда Дагъистаналда тIиритIизарулел тIанчазда. Гьениб бахъун букIана кинавниги 16 чи рехсараб сияхI. Гьенир рукIана журналистазулги, адвокатазулги, жамгIиял хIаракатчагIазулги цIарал. Гьезда гьоркьоса чIвана "Черновикалъул" бетIергьан Камалов ХIажимурад. Гьел тIанчазда хъвалеб букIана нуж ругин хъачагъазул рахъкколел чагIи, жидеца нужедаса рецIел босизе бугин хъачагъаз чIварал жидер гIагарлъиялъухъ – полициялъул хIалтIухъабазухъ. Гьединго абулеб букIана Дагъистаналъул тIалъиялъухъа бажарулеб гьечIин экстремизмалде дандечIезе. Щайгурелъул ришват босулел диванчагIаз щолеб-толеб жоялъухъ эркен гьарулел ругин низам цIунулез туснахъ гьарурал хъачагъал.