Санкт-Петербургалъул лъималазул рукъазда
Санкт-Петербургалъул централда бугеб лъималазул рукъ. 1991 сон.
Санкт-Петербург. 2012 соналъул март. Квеш канлъи бихьулей яс гІахьаллъулей йиго инвалидазул ва бессдаллъималазул хасал спортивияб тадбиралда.
Гьеб тадбиралъул спонсорлъун букІана Британиялъул Мажлис ва гьелъие квербакъи гьабуна россиялъул чанго инсанасул ихтиярал цІунулел хІаракатчагІаз.
Квеш канлъи бихьулел ва гІинтІа ракІал лъимал гІахьаллъана батІи-батІиял къецазда. Хасал къецал рукІана коляскабазда хьвадулел лъималазулги. Программаялда гІахьаллъана батІи-батІиял лъималазул рукъаздаса ва хасал школаздаса лъимал.
Санкт-Петербург. Усть-Ижора. 2002 сон. ВИЧ-инфекция щварал лъималазул хасаб лъималазул рукъ. Гьенир руго аслияб къагІидаялда жидедаса улбуз инкар гьабурал лъимал. Гьезие медикияб кумек гьабулеб буго. Амма гьел гІадамаздаса ратІа гьарурал гІадин руго.
Даунил синдром бугел лъимал гІахьаллъулел руго "HMS York" абураб британиялъул рагъул флоталъул гамида тІобитІулеб экскурсиялда. Гьеб щун букІана Санкт-Петербургалде 2012 соналъул июлалда. Экскурсиялда гІахьаллъана шагьаралъул лъималазул рукъазул ва хасал школазул лъимал.
Гьал гІолохъанал ясал гІахьаллъана Санкт-Петербургалъул Эрмитажалда тІобитІараб балалда. Гьелда гІахьаллъана бакІалъулал лъималазул рукъаздаса ясалги шагьаралъул рагъулаб ралъдал академиялъул курсанталги.
Соналдаса яги кІиго соналдаса пачалихъияб квербакъиялдаса унел ясазе спонсораз росана хасал гордал.
Санкт-Петербург. 2007 сон. Инвалидазул ва бессдаллъималазул ЦІияб соналъул байрам.
Гьай ясалъ гІумру гьабун букІана хасаб коммуналияб росулъ. Гьеб бан букІана бессдаллъималазе Санкт-Петебургалда аскІоб бугеб Пушкин шагьаралда 2005 соналда. Гьениб хІалтІизабулеб "SOS"-системаялда рекъон, лъималазе чІезарун руго хъазаналъул гІадал шартІал. Гьелъул цІакъ лъикІаб асар бугин риккунеб буго специалистаз.
SOS-командаялъул "эбеллъун" тІубараб къоялъ рукІуна волонтерал. Гьез лъимал ругьун гьарула магІишаталда хІалтІи гьабизе. Квен-тІехх, ретІел-хьит босулеб мехалда гьез лъимал ругьун гьарулел руго "хъизаналъул" бюджеталъул гІарацалъе экономия гьабизе.